چنئی، 28 ستمبر:) تمل ناڈو حکومت نے ہفتہ کو کابینہ میں ردوبدل کرتے ہوئے وزیر اعلی ایم کے اسٹالن کے بیٹے اور کھیلوں کی ترقی کے وزیر ادھیانیدھی اسٹالن کو نائب وزیر اعلیٰ مقرر کیا جبکہ سابق وزیر وی سینتھل بالاجی کو دوبارہ کابینہ میں شامل کیا ہے۔ مسٹر سینتھل بالاجی کو منی لانڈرنگ کیس میں 471 دن کی قید کے بعد دو دن پہلے جیل سے رہا کیا گیا تھا۔ اس انتہائی منتظر اعلان نے حکمراں دراوڑ منیترا کزگم (ڈی ایم کے) کے کارکنوں میں جشن کا ماحول پیدا کر دیا ہے۔ راج بھون کی طرف سے جاری کردہ ایک ریلیز میں کہا گیا ہے کہ مسٹر اسٹالن کی طرف سے کی گئی بڑی کابینہ میں ردوبدل میں تین موجودہ وزراء کو ہٹا دیا گیا جبکہ کچھ وزراء کے قلمدان تبدیل کر دیے گئے۔ ریلیز میں کہا گیا ہے کہ کابینہ میں دو نئے وزراء کو شامل کیا گیا ہے۔ حلف برداری کی تقریب اتوار کو 1530 بجے ہوگی۔ 2021 کے اسمبلی انتخابات میں بھاری اکثریت کے ساتھ ڈی ایم کے کے دس سال کے وقفے کے بعد اقتدار میں واپس آنے کے بعد اور مسٹر اسٹالن پہلی بار وزیر اعلیٰ بننے کے بعد تمل ناڈو کابینہ میں یہ پانچواں ردوبدل ہے ۔ ریلیز میں کہا گیا ہے کہ مسٹر اسٹالن نے گورنر آر این روی سے سفارش کی ہے کہ مسٹر ادھیاندھی اسٹالن کو ان کے موجودہ محکموں کے علاوہ منصوبہ بندی اور ترقی کا محکمہ بھی دیا جائے اور انہیں نائب وزیر اعلیٰ کے طور پر نامزد کیا جائے۔ ریلیز میں مزید کہا گیا ہے کہ مسٹر اسٹالن نے مسٹر سینتھل بالاجی، ڈاکٹر گوائی چیزیان، آر۔ راجندرن اور مسٹر ایس ایم۔ ناصر کو وزرا کی کونسل میں شامل کرنے کی سفارش کی ہے۔
Source: uni news service
کولگام انکاونٹر: 4 فوجی اور پولیس آفیسر زخمی، آپریشن جاری
پہلی بار بی جے پی جموں و کشمیر میں مکمل اکثریت کے ساتھ حکومت بنائے گی: مودی
ہندستان نے پاکستانی وزیراعظم کے خطاب کی مذمت کی
بریلی: مسجد کی دیوار توڑنے پر زبردست ہنگامہ، فرقہ و ارانہ تناﺅ، پتھراﺅ کے بعد پولیس کی بھاری نفری تعینات
ہندستان اور بنگلہ دیش کے درمیان ٹیسٹ میچ کے دوسرے دن کا کھیل بارش کی بھینٹ چڑھا
شادی سے ناخوش بیوی نے شوہر پر چاقو سے کیا حملہ
گیانواپی دراصل وشواناتھ ہیں... لیکن لوگ اسے دوسرے لفظوں میں مسجد کہتے ہیں'، سی ایم یوگی کا بڑا بیان
چھتیس گڑھ میں نکسلیوں نے سکیورٹی فورسز کے کیمپ پر حملہ کیا
کشتواڑ تصادم :نائب صوبیدار سمیت دو فوجی جاں بحق، دو دیگر زخمی ، آپریشن ہنوز جاری
بارہمولہ انکائونٹر: تین عدم شناخت ملی ٹنٹ ہلاک، آپریشن جاری