نئی دہلی، 28 ستمبر :لوک سبھا میں اپوزیشن لیڈر اور کانگریس کے سابق صدر راہل گاندھی نے ہفتہ کو کمیونسٹ پارٹی آف انڈیا-مارکسسٹ لیڈر سیتارام یچوری کو یاد کرتے ہوئے کہا کہ وہ ان کے ایسے دوست تھے جن پر موجودہ سیاست میں بھروسہ کیا جا سکتا تھا۔ آج یہاں تال کٹورا اسٹیڈیم میں مسٹر یچوری کو خراج عقیدت پیش کرنے کے لیے منعقدہ ایک اجتماع سے خطاب کرتے ہوئے مسٹر گاندھی نے کہا، ''مسٹر یچوری اعتماد کے حامل سیاست دان تھے جو سمجھوتہ نہیں کرسکتے تھے۔ مسٹر یچوری ہمیشہ انڈیا گروپ کو مضبوط کرنے کے لیے پردے کے پیچھے سے کام کرتے رہے اور وہ اتحاد اور کانگریس کے درمیان ایک پل کی طرح تھے۔ مسٹر گاندھی نے کہا، "میرے لئے مسٹر سیتارام یچوری جی ایک ایسے دوست تھے جو سیاسی نظام میں رہتے ہوئے، سب کے بھروسہ بن کر اپنا کام کرتے تھے۔ لوگوں کے لیے سیاست کے اندرونی انتشار کو دیکھنا آسان نہیں ہوتا ہے۔ ہندستان میں سیاست ناقابل معافی، سخت اور یہ ایک غیر آرام دہ جگہ ہے کیونکہ اکثر یہیں سے بری چیزیں سامنے آتی ہیں وہ سب کو متاثر کرتی ہے اور اسی سیاست میں نایاب اور بہترین فیصلے بھی ہوتے ہیں اور میں نے اپنا سیاسی سفر شروع کرنے کے پہلے دن سے ہی مسٹر یچوری کو دیکھا تھا۔ میں نے ان کے سیاسی سفر کا بہت غور سے مشاہدہ کیا تھا، میں نے انہیں ایک ایسی شخصیت کے طور پر دیکھا جو دوسروں کی بات سنتے تھے۔ مسٹر یچوری کی سیاست کی خصوصیات بتاتے ہوئے انہوں نے کہا، "ایک طرح سے، وہ کانگریس پارٹی اور انڈیا اتحاد میں شامل دیگر جماعتوں کے درمیان ایک پل کی حیثیت رکھتے تھے۔ یہاں دو طرح کے لوگ ہوتے ہیں، جو سامنے نظر آتے ہیں اور دوسرے وہ ہوتے ہیں جو بنیادی کام نظر نہ آکر کرتے ہیں۔ چھپے ہوئے لوگ اتحاد کو برقرار رکھنے میں ایک اہم کردار ادا کرتے ہیں ۔ میں کہوں گا مسٹر یچوری ایسی شخصیت تھے جنہوں نے سب کو اکٹھا رکھا تھا اور ان میں کوئی انا اور گھمنڈ نہیں تھا اور حساسیت سے بھرا یہ دل دوسرے سیاستدانوں کے پاس نہیں ہوتا۔ انہوں نے کہا کہ سیاست میں مسٹر یچوری ایک ایسے شخص تھے جن پر بھروسہ کیا جا سکتا تھا مسٹر گاندھی نے کہا، "وہ ایک ایسے شخص تھے جن پر آپ بھروسہ کر سکتے تھے اور آپ کو یقین تھا کہ اس کے ساتھ کوئی سمجھوتہ نہیں کیا جائے گا۔ خاص طور پر آج کے ماحول میں جہاں دباؤ اور ہار ماننا آسان ہے، انہوں نے جو بھی کیا وہ ہمیشہ ہمارے ملک کے مفاد میں کیا۔
Source: uni news service
کولگام انکاونٹر: 4 فوجی اور پولیس آفیسر زخمی، آپریشن جاری
پہلی بار بی جے پی جموں و کشمیر میں مکمل اکثریت کے ساتھ حکومت بنائے گی: مودی
ہندستان نے پاکستانی وزیراعظم کے خطاب کی مذمت کی
بریلی: مسجد کی دیوار توڑنے پر زبردست ہنگامہ، فرقہ و ارانہ تناﺅ، پتھراﺅ کے بعد پولیس کی بھاری نفری تعینات
ہندستان اور بنگلہ دیش کے درمیان ٹیسٹ میچ کے دوسرے دن کا کھیل بارش کی بھینٹ چڑھا
شادی سے ناخوش بیوی نے شوہر پر چاقو سے کیا حملہ
گیانواپی دراصل وشواناتھ ہیں... لیکن لوگ اسے دوسرے لفظوں میں مسجد کہتے ہیں'، سی ایم یوگی کا بڑا بیان
چھتیس گڑھ میں نکسلیوں نے سکیورٹی فورسز کے کیمپ پر حملہ کیا
کشتواڑ تصادم :نائب صوبیدار سمیت دو فوجی جاں بحق، دو دیگر زخمی ، آپریشن ہنوز جاری
بارہمولہ انکائونٹر: تین عدم شناخت ملی ٹنٹ ہلاک، آپریشن جاری