امریکی صدر ڈونلڈ ٹرمپ نے ایران کے خلاف ممکنہ فوجی کارروائی کا عندیہ دیتے ہوئے کہا ہے کہ امریکا کے پاس ایران کے ساتھ معاہدہ کرنے یا اسے ’تباہ کرنے‘ کے سوا کوئی راستہ نہیں۔

صدر ٹرمپ نے صحافیوں سے گفتگو میں کہا کہ بہت جَلد آپ ایران کے حوالے سے کچھ نیا ہوتا ہوا دیکھیں گے۔

دوسری جانب امریکی وزیرِ دفاع پیٹ ہیگسیتھ نے واشنگٹن کے قریب کوانٹیکو بحری اڈے پر فوجی قیادت سے خطاب کرتے ہوئے دعویٰ کیا ہے کہ امریکی افواج نے ایران کی بحریہ، فضائیہ، دفاعی نظام، قیادت اور فوجی صنعتی صلاحیت کو تباہ کر دیا ہے، ایران کی جوہری سرگرمیوں کو بھی شدید نقصان پہنچایا گیا ہے۔

عرب میڈیا کے مطابق ایران نے تصدیق کی ہے کہ اسے آبنائے ہرمز دوبارہ کھولنے سے متعلق امریکا کی جوابی تجویز موصول ہو گئی ہے۔

ایرانی حکام کے مطابق تہران کی جانب سے آبنائے ہرمز کھولنے کی پیشکش کے بعد امریکا نے اپنا جواب بھیج دیا ہے جس کا ایرانی اعلیٰ قیادت جائزہ لے رہی ہے۔

عرب میڈیا کے مطابق یہ سفارتی کوششیں جاری تنازع کے خاتمے کے لیے تعطل دور کرنے کی کوشش کا حصہ ہیں۔

ادھر برطانوی وزیرِ اعظم اینڈی برنہم نے کہا ہے کہ ایسے مضبوط شواہد موجود ہیں جن سے ظاہر ہوتا ہے کہ برطانیہ میں امریکی زیرِ استعمال رائل ایئر فورس فیئر فورڈ اڈے کے قریب پیش آنے والے سیکیورٹی واقعے میں ایران کا کردار ہو سکتا ہے۔