نئی دہلی: جنتر منتر پر احتجاج کا ایک نمایاں چہرہ اور 'کاکروچ جنتا پارٹی' ) کے رضاکار محمد جنید نے تنظیم اور اس کی قیادت کے ساتھ کسی بھی قسم کے اختلافات کی قیاس آرائیوں کو سراسر مسترد کر دیا ہے۔ جاری کردہ ایک ویڈیو پیغام میں جنید نے اپنے حامیوں اور عوام سے اپیل کی کہ وہ "جھوٹی افواہوں" پر بالکل دھیان نہ دیں، اور واضح کیا کہ 'کاکروچ جنتا پارٹی کی قیادت پوری طرح ان کے ساتھ کھڑی ہے۔ دوسری جانب، پارٹی کی جانب سے بھی یہ بیان سامنے آیا ہے کہ جنید کو تمام ممکنہ قانونی امداد فراہم کی جا رہی ہے۔ احتجاج کے اختتام پر پارٹی کے اعلیٰ رہنماؤں نے رضاکاروں کے ایک اجتماع میں مختصر شرکت بھی کی۔ واضح رہے کہ غازی آباد کے رہائشی محمد جنید نے دہلی میں احتجاج کے دوران مظاہرین کے لیے مفت کھانے اور پینے کے پانی کا انتظام کیا تھا۔ 'کاکروچ جنتا پارٹی کی ترجمان اور قانونی مشیر رتنا سنگھ نے ایک ٹویٹ کے ذریعے وضاحت کرتے ہوئے کہا: "ہم تمام لوگوں سے اپیل کرتے ہیں کہ وہ غلط معلومات اور نفرت پھیلانے سے گریز کریں۔ جنید کی رہائش گاہ پر جو بھی انتظامی یا پولیس کارروائی ہوئی تھی، اس کا فوری طور پر ازالہ کر دیا گیا ہے۔" رتنا سنگھ کا یہ بیان جنید کے ان الزامات کے بعد سامنے آیا ہے جن میں انہوں نے دعویٰ کیا تھا کہ احتجاج میں شامل ہونے کی پاداش میں غازی آباد پولیس نے ان کے اہلخانہ کو حراست میں لیا جبکہ میرٹھ میں ان کے رشتہ داروں کو بھی ہراساں کیا گیا۔ ہفتے کے روز احتجاج ختم ہونے کے بعد سوشل میڈیا پر متعدد ایسی پوسٹس گردش کرنے لگی تھیں جن میں جنید اور پارٹی قیادت کے درمیان ان بن کے دعوے کیے جا رہے تھے۔ بعض پوسٹس میں یہ افواہ پھیلائی گئی تھی کہ جنید کو دھرمیندر پردھان کے استعفے کا جشن منانے والی تقریب سے الگ تھلگ کر دیا گیا ہے، جبکہ کچھ کا کہنا تھا کہ پارٹی سربراہ ابھیجیت ڈپکے اب ان کی کالز کا جواب نہیں دے رہے۔ تاہم، محمد جنید اور پارٹی ترجمان کے حالیہ بیانات نے ان تمام قیاس آرائیوں پر مکمل طور پرمسترد کر دیا ہے۔

Source: Admin