National

طلبہ پر پولیس تشدد:'جس نے زیادتی کی اسے کٹہرے میں لاؤ': طلبہ احتجاج پر کریک ڈاؤن کے خلاف سپریم کورٹ کا سخت پیغام

28/07/26

نئی دہلی: سپریم کورٹ نے منگل کے روز 20 جولائی کو ہونے والے طلبہ کے احتجاج کے دوران سیکیورٹی فورسز کے کریک ڈاؤن اور کارروائی پر سخت برہمی کا اظہار کیا ہے۔ سماعت کے دوران عدالت عظمیٰ نے واضح ہدایت دی کہ جس نے بھی زیادتی کی ہے یا قانون کو اپنے ہاتھ میں لیا ہے، اسے کٹہرے میں لایا جائے۔ چیف جسٹس آف انڈیا سوریہ کانت نے پولیس تشدد کی غیر جانبدارانہ اور آزادانہ تحقیقات کی ضرورت پر زور دیا۔ عدالتی کارروائی کے دوران چیف جسٹس نے ریمارکس دیتے ہوئے کہا: "معاملے کی مکمل طور پر آزادانہ تحقیقات ہونی چاہئیں۔ جس نے بھی زیادتی کی ہے، قانون اس کے خلاف اپنا کام کرے گا۔ اگر اس کارروائی میں کسی کی ذمہ داری اور احتساب طے نہیں کیا جاتا تو ایسی تحقیقات بالکل بے معنی ہے۔" سپریم کورٹ کے اس سخت موقف کے بعد امید کی جا رہی ہے کہ احتجاج کے دوران مظاہرین پر حد سے زیادہ فورس اور فساد مخالف ہتھیاروں کے استعمال کے لیے ذمہ دار اہلکاروں کا احتساب کیا جائے گا۔

Source: Admin