نئی دہلی:سپریم کورٹ نے یوگی حکومت کے اس حکم پر روک لگا دی ہے، جس میں غیر تسلیم شدہ اور سرکاری امداد یافتہ مدارس میں پڑھنے والے غیر مسلم طلباء کو سرکاری اسکولوں میں منتقل کرنے کی ہدایات جاری کی گئی تھیں۔ جمعیتہ علماء ہند نے اتر پردیش حکومت کے اس حکم کے خلاف عرضی داخل کی تھی۔ اتر پردیش حکومت کا یہ حکم اطفال کے حقوق کے تحفظ کے قومی کمیشن (NCPCR) کی رپورٹ پر مبنی تھا۔ اس میں تعلیم کے حق قانون 2009 پر عمل نہ کرنے والے مدارس کی پہچان منسوخ کرنے اور تمام مدارس کی چھان بین کرنے کا کہا گیا تھا۔ اس درخواست کی سماعت چیف جسٹس ڈی وائی چندر چوڑ، جسٹس جے بی پارڈی والا اور جسٹس منوج مشرا کی بنچ نے کی۔ اس دوران عدالت نے کہا کہ اس معاملے پر نوٹس جاری کیا جائے۔ اس کے علاوہ 7 جون، 25 جون اور 27 جون کو جاری ہونے والی این سی پی سی آر رپورٹس اور اس کے بعد اٹھائے گئے تمام اقدامات پر پابندی ہے۔ نیشنل کمیشن فار پروٹیکشن آف چائلڈ رائٹس (این سی پی سی آر) نے حال ہی میں ایک رپورٹ میں کہا تھا کہ جب تک مدارس حق تعلیم کے قانون پر عمل نہیں کرتے، انہیں دیے جانے والے فنڈز کو روک دیا جانا چاہیے۔ این سی پی سی آر نے اپنی رپورٹ میں کہا تھا کہ مدارس میں مذہبی تعلیم پر زیادہ توجہ دی جاتی ہے۔ جس کی وجہ سے بچے ضروری تعلیم حاصل نہیں کر پاتے اور وہ پیچھے رہ جاتے ہیں۔ اس رپورٹ پر اپوزیشن نے بی جے پی حکومت کو سخت نشانہ بنایا۔ اس دوران ایس پی سربراہ اکھلیش یادو نے بی جے پی پر اقلیتی اداروں کو چن چن کر نشانہ بنانے کا الزام لگایا۔
Source: Social Media
ہریانہ میں بی جے پی کی جیت سے ہندستان میں استحکام کے پیغام کو تقویت ملی ہے: مودی
'بڑا حملہ ہونے والا ہے، ایئر انڈیا میں سفر نہ کریں'، خالصتانی دہشت گرد گروپتونت سنگھ پنو کی دھمکی
سپریم کورٹ نے غیر مسلم طلباءکو مدارس سے نکالنے پر پابندی لگا دی، فنڈ روکنے کی سفارش پر بھی روک
'وقت آ گیا ہے، اب 16-16 بچے پیدا کریں': چندرا بابو نائیڈو کے بعد ایم کے اسٹالن کی آبادی بڑھانے کی اپیل
کشمیر کبھی بھی پاکستان نہیں بنے گا : ڈاکٹر فاروق عبداللہ
روہنی میں بم دھماکہ دہلی کے تباہ ہوتے سیکورٹی نظام کو بے نقاب کر رہا ہے: وزیر اعلیٰ آتشی
مساجد اورمنادرپرحملے کرنے کی اشتعال انگیز کارروائیوں کے خلاف سخت کارروائی:وزیراعلی تلنگانہ
مودی کازان میں برکس سربراہ اجلاس میں شرکت کے لیے روس روانہ
بلند شہر میں سلنڈر دھماکہ، 3 خواتین سمیت 6 افراد ہلاک،یوگی نے واقعہ کا نوٹس لیا
ہندستان اور چین نے ایل اے سی پر گشت کے انتظامات پر اتفاق کیا
مودی کی ڈگری پر تبصرہ کے معاملے میں کیجریوال کی عرضی خارج
'سیکولرازم' کو آئین کے بنیادی ڈھانچے کا ایک ناقابل تغیر حصہ سمجھا جاتا ہے: سپریم کورٹ
چھتیس گڑھ :کوپری جنگل میں مڈبھیڑ میں چار نکسلی ڈھیر، ایک پولس اہلکار زخمی
میونسپل کارپوریشن کمشنر سنجولی مسجد کیس کو آٹھ ہفتوں میں نمٹائیں: ہائی کورٹ