حیدرآباد21اکتوبر:وزیراعلی تلنگانہ ریونت ریڈی نے حال ہی میں سکندرآباد کی ایک مندرمیں مورتی کو نقصان پہنچانے اور اس کے بعد ہوئے تشدد کے واقعہ کاحوالہ دیتے ہوئے کہا کہ تلنگانہ کے شہری ایسے واقعات کے خلاف چوکس رہیں۔انہوں نے حیدرآباد کے گوشہ محل اسٹیڈیم میں منعقدہ پولیس یادگار پروگرام سے خطاب کرتے ہوئے کہا کہ بعض جنونی افرادمنادراور مساجد پر حملہ کرکے عوام کو مشتعل کرنے کی کوشش کررہے ہیں، لیکن تلنگانہ سماج ایک سمجھدار سماج ہے وہ ایسی اشتعال انگیز کارروائیوں کی حوصلہ افزائی نہیں کررہا ہے۔ایسے افرادپرقابو پانے کے لیے سماج، تلنگانہ حکومت کو مکمل تعاون فراہم کررہا ہے۔ حالیہ دنوں کے دوران مندرواقعہ اوردیگر واقعات تشویش کا سبب ہیں۔ایسے جرائم کرنے والوں کی ذہنی حالت اورمقامی صورتحال کا جائزہ لیتے ہوئے پولیس سخت کارروائی کررہی ہے۔ایسے جرائم میں ملوث افراد کو گرفتارکرتے ہوئے ایسی حرکتیں کرنے والوں کوسخت سزادی جائے گی۔وہ اس پلیٹ فارم سے تلنگانہ کے عوام سے یہ کہنا چاہتے ہیں کہ بعض افراداوران جیسی سونچ رکھنے والے سماج کے لئے نقصان دہ ہیں۔ان کے خلاف فوری کارروائی کی ضرورت ہے۔ایسے افرا دکے خلاف حکومت کی سخت کارروائی کے لئے تعاون کیاجائے۔ اگر اس تعلق سے پولیس کی توجہ دلائی جائے تو پولیس کارروائی کرنے کے لیے تیار ہے۔وزیراعلی نے کہاکہ حیدرآباد میں ٹریفک کے کئی مسائل پیدا ہورہے ہیں اور مسائل کو حل کرنے کے لیے مصنوعی ذہانت کا استعمال کرنے کی انہوں نے ہدایت دی ہے۔انہوں نے کہاکہ حیدرآباد کے کمشنر کو فزیکل پولیس کے ساتھ تکنیکی مہارت فراہم کرنے کی بھی ہدایات دی گئی ہے۔انہوں نے واضح کیا کہ ٹریفک کنٹرول کرنے کے ساتھ ساتھ آج ٹریفک کی خلاف ورزی کرنے والوں کو سزا دینے کی بھی ضرورت ہے۔
Source: uni news service
ہریانہ میں بی جے پی کی جیت سے ہندستان میں استحکام کے پیغام کو تقویت ملی ہے: مودی
'بڑا حملہ ہونے والا ہے، ایئر انڈیا میں سفر نہ کریں'، خالصتانی دہشت گرد گروپتونت سنگھ پنو کی دھمکی
سپریم کورٹ نے غیر مسلم طلباءکو مدارس سے نکالنے پر پابندی لگا دی، فنڈ روکنے کی سفارش پر بھی روک
'وقت آ گیا ہے، اب 16-16 بچے پیدا کریں': چندرا بابو نائیڈو کے بعد ایم کے اسٹالن کی آبادی بڑھانے کی اپیل
کشمیر کبھی بھی پاکستان نہیں بنے گا : ڈاکٹر فاروق عبداللہ
روہنی میں بم دھماکہ دہلی کے تباہ ہوتے سیکورٹی نظام کو بے نقاب کر رہا ہے: وزیر اعلیٰ آتشی
مساجد اورمنادرپرحملے کرنے کی اشتعال انگیز کارروائیوں کے خلاف سخت کارروائی:وزیراعلی تلنگانہ
مودی کازان میں برکس سربراہ اجلاس میں شرکت کے لیے روس روانہ
بلند شہر میں سلنڈر دھماکہ، 3 خواتین سمیت 6 افراد ہلاک،یوگی نے واقعہ کا نوٹس لیا
ہندستان اور چین نے ایل اے سی پر گشت کے انتظامات پر اتفاق کیا
مودی کی ڈگری پر تبصرہ کے معاملے میں کیجریوال کی عرضی خارج
'سیکولرازم' کو آئین کے بنیادی ڈھانچے کا ایک ناقابل تغیر حصہ سمجھا جاتا ہے: سپریم کورٹ
چھتیس گڑھ :کوپری جنگل میں مڈبھیڑ میں چار نکسلی ڈھیر، ایک پولس اہلکار زخمی
میونسپل کارپوریشن کمشنر سنجولی مسجد کیس کو آٹھ ہفتوں میں نمٹائیں: ہائی کورٹ