اداکارہ یامی گوتم کی ہارر کامیڈی فلم ’نئی نویلی‘ کے ٹریلر نے دھوم مچادی ہے۔

میڈیا رپورٹ کے مطابق فلمساز آنند ایل رائے کی ہارر کامیڈی فلم ’نئی نویلی‘ میں یامی گوتم ’ڈائن‘ بنی ہیں جبکہ دیگر کرداروں میں ادیناتھ، بالاجی، موہن ودیگر شامل ہیں۔

3 منٹ 2 سیکنڈز کے شروع میں دکھایا گیا ہے کہ یامی گوتم رخصتی کے بعد سسرال پہنچتی ہیں اور اپنے رکھ رکھاؤ سے سب کو متاثر کرلیتی ہیں لیکن گھر کے چھوٹے بیٹے کو ان پر شک ہوتا ہے کہ وہ ڈائن ہیں۔

بعدازاں یہ بات سب گھر والوں کو پتا چل جاتی ہے کہ ان کے گھر جو خاتون بیاہ کر آئی ہے وہ کوئی عام عورت نہیں بلکہ اس خطرناک ڈائن ہے جس کے بعد وہ خوف میں مبتلا ہوجاتے ہیں۔

ہارر کامیڈی فلم دسہرہ کے موقع پر 16 اکتوبر کو سنیما گھروں کی زینت بنے گی۔