Sports

ٹروبا ٹیسٹ کا دوسرا روز: شان مسعود، امام الحق کی 155 رنز کی شراکت، بابر اعظم 23 پر آؤٹ

27/07/26

پاکستان نے ویسٹ انڈیز کے خلاف پہلے ٹیسٹ میچ کے دوسرے روز کے اختتام پر 199 رنز بنا لیے ہیں۔ ٹروبا میں ہونے والے میچ کے دوسرے روز کا آغاز پاکستان کے لیے زیادہ خوشگوار نہیں تھا تاہم اس کے بعد بلے باز اعتماد کی فضا بنانے میں کسی حد تک کامیاب رہے جبکہ اس سے قبل کھیلی گئی اننگز میں ویسٹ انڈیز کی ٹیم 311 رنز بنائے تھے۔ کھیل کے اختتام پر صورت حال کچھ یوں تھی کہ پاکستان کی تین وکٹیں گر چکی ہیں جبکہ شان مسعود 88 کے ساتھ کریز پر موجود ہیں جن کا ساتھ سلمان علی آغا دے رہے ہیں تاہم وہ ابھی تک کوئی سکور نہیں بنا پائے۔ اس سے قبل امام الحق 63 رنز بنا کر پویلین لوٹے جبکہ اذان اویس کوئی رن نہ بنا پائے جبکہ کپتان بابر اعظم 23 رنز بنا کر آؤٹ ہوئے۔ میچ کے دوسرے ویسٹ انڈیز نے پہلی اننگز کا آغاز 194 سکور تین کھلاڑی آؤٹ سے کی۔ اس کے بعد کیوم ہوج 84 رنز بنا کر پویلین لوٹے جبکہ شے ہوپ نے 92 رنز بنائے۔ ویسٹ انڈیز کی وکٹیں یکے بعد دیگرے گرتی رہیں اور پوری ٹیم کھانے کے وقفے کے بعد 311 کے رنز پر آؤٹ ہو گئی۔ پاکستان کی جانب سے محمد علی نے چار بلے بازوں کو پویلین بھیجا جبکہ محمد عباس نے تین، خرم شہزاد نے دو اور عامر جمال نے ایک کھلاڑی کو آؤٹ کیا۔ ویسٹ انڈیز کی جانب سے 311 رنز کے جواب میں پاکستان نے جب بیٹنگ شروع کی تو آغاز زیادہ اچھا ثابت نہ ہوا اور اذان اویس صفر پر آؤٹ ہو گئے۔ اس کے بعد کھیل میں کچھ استحکام اس وقت دیکھنے میں آیا جب شان مسعود اور امام الحق نے 155 رنز کی پارٹنرشپ کی تاہم کچھ دیر بعد امام الحق 63 رنز بنا کر آؤٹ ہو گئے جبکہ بابر اعظم 23 رنز بنا پائے۔

Source: Admin