روس کے صدر ویلادیمیر پیوٹن پر تنقید کرنے والے یا ان کے مخالفین زیادہ تر پراسرار طور پر مارے گئے۔ غیرملکی میڈیا کے مطابق حال ہی میں روس کے سب سے نمایاں اپوزیشن لیڈر الیکسی ناوالنی کی موت پراسرار حالات میں جیل میں ہوئی۔ رپورٹس کے مطابق الیکسی ناوالنی کا شمار روسی صدر کے سخت ترین مخالفین میں ہوتا تھا۔ وہ 19 سال قید کی سزا کاٹ رہے تھے۔ مسلح گروہ ویگنر کے بانی وگینی پریگوژن کی ہلاکت ماسکو کے شمال مشرق میں ایک طیارے کے حادثے میں ہوئی تھی اور اس حادثے کی وجوہات اب تک سامنے نہیں آ سکی ہیں۔ وگینی پریگوژن نے صدر پیوٹن کے اقتدار کو سب سے بڑا چیلنج دیا تھا جس کے بعد ان کی پراسرار حالات میں موت ہوئی۔ ایک اور شخصیت ولادیمیر گولوویلوو بھی پہلے روسی صدر کے حامی ہوا کرتے تھے لیکن بعد میں انہوں نے صدر پر تنقید شروع کر دی تھی۔ ولادیمیر گولوویلوو کو ماسکو میں گولی مار کر ہلاک کردیا گیا تھا۔ ولادیمیر گولوویلوو کی ہلاکت کے ایک سال بعد سرگئی یوشینکو نامی رکن پارلیمنٹ کو بھی ماسکو میں ہی گولی مار کر ہلاک کردیا گیا تھا۔ غیرملکی میڈیا کے مطابق 27 فروری 2015ء کو روسی صدر کے ناقد اور یوکرین سے متعلق پالیسیوں پر تنقید کرنے والے سابق نائب وزیر اعظم بورس نیمٹسوو کو قتل کردیا گیا تھا۔ خاتون صحافی اینا پولتووسکایا روس کی پولیس پر تنقید کرتی تھیں اور انہیں 2006ء میں قتل کردیا گیا تھا۔ روسی صدر پیوٹن کے مخالفین اور ناقدین کو صرف روس میں ہی نہیں بلکہ بیرون ملک بھی اپنی زندگیوں سے ہاتھ دھونا پڑا۔ سابق جاسوس الیگزینڈر لٹوینینکو کی موت نومبر 2006 میں لندن کے ایک اسپتال میں اچانک بیمار ہو جانے کے بعد ہوئی۔ بعدازاں پتہ چلا کہ انہیں زہر دیا گیا تھا۔ علاوہ ازیں بورس برزوسکی مارچ 2013ء میں برطانیہ میں اپنے گھر میں مردہ حالت میں پائے گئے تھے۔ غیرملکی میڈیا کے مطابق کچھ افراد کا ماننا ہے کہ انہوں نے اپنے معاشی مسائل سے تنگ آ کر خودکشی کی تھی تاہم جلا وطنی کے دوران ان پر متعدد حملے ہو چکے تھے۔ غیرملکی میڈیا کے مطابق روسی صدر پر تنقید کرنے والوں کی پراسرار موت کی فہرست میں دیگر اور نام بھی شامل ہیں۔
Source: Social Media
امریکا: اسکول میں باتھ روم پر جھگڑے میں ایک طالبعلم نے دوسرے کو قتل کردیا
بجلی، گیس اور پانی کی چوری کے جواز کا فتویٰ، جامعہ الازہر کے استاد سے تحقیقات
خاتون انفلوئنسر سے "خصوصی" تعلقات ، اطالوی وزیر ثقافت مستعفی
عراق سے امریکی فوجیوں کے انخلا پر اتفاق
پاکستانی نوجوان یہودیوں پرحملے کی منصوبہ بندی کے الزام پرکینیڈا میں گرفتار
غزہ: اسرائیلی فوج کا اسکول اور مہاجرین کیمپ پر حملہ، 13 فلسطینی شہید
اسرائیلی اخبار نے عمران خان کو پاکستان اسرائیل تعلقات کیلئے موزوں شخصیت قرار دیدیا
چین کا غیر ملکیوں کیلئے چینی بچے گود لینے کی پالیسی ختم کرنے کا اعلان
امریکا: اسکول میں 4 افراد کا قتل، ملزم طالبعلم کو گن تحفے میں دینے پر والد پر بھی فردِ جرم عائد
امریکہ جلد ہی اندرونی خانہ جنگی کا شکار ہونے والا ہے: روسی عہدیدار
’’یہ عورتوں اور کافروں کا لباس ہے‘‘ کویتی مبلغ نے مردوں کو سرخ لباس سے روک دیا
ترک صدر طیب اردوان کی اسرائیل کے خلاف اسلامی اتحاد تشکیل دینے کی تجویز
مغربی کنارے میں اسرائیلی فوج کا آپریشن جاری، اسلامی جہاد کے کمانڈر سمیت 18 فلسطینی شہید
جارجیا میں کاملا ہیرس کے خطاب کے دوران احتجاج