نیویارک: ورلڈ فوڈ پروگرام کی جانب سے غزہ کے لیے ماہانہ امداد میں 5 لاکھ کی کٹوتی کردی گئی ہے۔

غیر ملکی ذرائع ابلاغ کے مطابق اقوام متحدہ کے تحت چلنے والے ورلڈ فوڈ پروگرام نے غزہ کے لیے ماہانہ امداد میں 5 لاکھ کٹوتی کرتے ہوئے امداد حاصل کرنے والوں کی تعداد 16سے کم کرکے 11 لاکھ کردی ہے۔

رپورٹس کے مطابق ورلڈفوڈ پروگرام کا اس حوالے سے کہنا ہے کہ غزہ کے لیے خوراک کے راشن میں بھی 50 فیصد کٹوتی کردی گئی جبکہ روزانہ تیارکھانوں کی تعداد ڈھائی لاکھ سے کم کرکے ڈیڑھ لاکھ کی گئی ہے۔

بیان میں کہا گیا ہے کہ غزہ کے دشوار گزارعلاقوں میں بعض خاندانوں کو دو دن میں ایک بارکھانا فراہم کیا جارہا ہے، غزہ میں 14 لاکھ افراد خوراک کی شدید قلت کا سامنا کررہے ہیں۔

اقوام متحدہ کے تحت چلنے والے ادارے کے مطابق فنڈز کی کمی کی باعث غزہ کے لیے خوراک کی فراہمی کم کی گئی۔