تہران: ایران کے اسلامی پاسداران انقلاب نے آبنائے ہرمز میں خلاف ورزی پر آئل ٹینکر کو نشانہ بنانے کا دعویٰ کیا ہے۔

غیر ملکی ذرائع ابلاغ کے مطابق پاسداران انقلاب کے ترجمان نے بتایا کہ آبنائے ہرمزمیں خلاف ورزی پر آئل ٹینکر کو نشانہ بنایا ہے، ٹوگو کے پرچم بردار آئل ٹینکر ”ٹرینڈ“ میں آگ لگ گئی۔

آئل ٹینکر ”ٹرینڈ“نے آبنائے ہرمز سے غیر قانونی طور پر گزرنے کی کوشش کی جس کے باعث کارروائی عمل میں لائی گئی۔

اس سے قبل پاسداران انقلاب نے آبنائے ہرمز کے مغربی علاقے کی فضائی حدود میں ایک جدید ایم کیو-1 ڈرون کو تباہ کرنے کا دعویٰ کیا تھا۔

بیان میں کہا گیا تھا کہ جدید ڈرون کو پاسداران کی فضائیہ کے زیرِ استعمال جدید فضائی دفاعی نظام کے ذریعے تباہ کیا گیا ہے، جو ملک کے مربوط فضائی دفاعی نیٹ ورک کے تحت کام کر رہا ہے۔