National

موہن بھاگوت کو سفارتی پروٹوکول دینے سے انکار؟ امریکی مذہبی آزادی پینل کا آر ایس ایس رہنماؤں پر پابندی لگانے پر زور

20/08/26

واشنگٹن / نئی دہلی:
امریکی کمیشن برائے بین الاقوامی مذہبی آزادی نے راشٹریہ سویم سیوک سنگھ کے سربرہ موہن بھاگوت کے متوقع دورہٴ امریکہ کی علانیہ مخالفت کی ہے۔ کمیشن نے امریکی حکومت پر زور دیا ہے کہ وہ آر ایس ایس رہنماؤں کو سفارتی مراعات دینے کے بجائے مذہبی آزادیوں کی خلاف ورزی پر ان کے خلاف پابندیاں عائد کرے۔
یو ایس سی آئی آر ایف کے چیئر آصف محمود کے مطابق، آر ایس ایس ایک ایسی تنظیم ہے جس کے ذیلی گروپس اقلیتوں (مسلمانوں اور عیسائیوں) پر حملوں میں ملوث رہے ہیں۔

کمیشن کے رکن جین ملز نے کہا کہ آر ایس ایس کے رہنماؤں کو اعلیٰ سطحی ملاقاتوں یا سفارتی پروٹوکول کا احترام نہیں ملنا چاہیے، بلکہ امریکی حکومت کو ان پر ہدف شدہ (ٹارگیٹڈ) پابندیاں لگانی چاہئیں۔

1998 میں قائم ہونے والا یہ امریکی پینل اگرچہ آزادانہ طور پر کام کرنے کا دعویٰ کرتا ہے، تاہم اس کی سفارشات امریکی حکومت پر قانونی طور پر لاگو نہیں ہوتیں۔
ہندوستانی وزارتِ خارجہ نے اس سے قبل بھی اس امریکی کمیشن کی تمام تر رپورٹس اور تجاویز کو سختی سے مسترد کیا ہے۔ ہندوستانی حکام کا کہنا ہے کہ یہ کمیشن بھارت کی کثیر الثقافتی اور جمہوری ساخت کو بدنام کرنے کے لیے من گھڑت اور یکطرفہ ایجنڈے پر کام کر رہا ہے۔

Source: Admin