حیدرآباد11مئی:سی پی آئی کے لیڈرنارائنانے ہندوتان اور پاکستان کے درمیان حالیہ لڑائی بندی پر سوال اٹھاتے ہوئے کہا ہے کہ حکومت نے پاکستان کے زیر قبضہ کشمیر پر قبضہ کئے بغیر لڑائی بندی کیوں کی؟ انہوں نے کہا کہ جب ہندوستان نے آپریشن سندور کے تحت پاک مقبوضہ کشمیرمیں دہشت گردوں کے ٹھکانوں پر حملہ کیا اور 100 سے زائد دہشت گردوں کو ہلاک کیا، تو اس کے بعد لڑائی بندی کا فیصلہ سمجھ سے بالاتر ہے۔انہوں نے مزید کہا کہ جب وہ ماضی میں ہندوستان اور پاکستان کے درمیان امن مذاکرات کی بات کرتے تھے، تو انہیں پاکستان بھیجنے کی بات کی جاتی تھی۔ اب جب کہ وزیر اعظم نریندر مودی نے لڑائی بندی کا فیصلہ کیا ہے، تو کیا انہیں بھی پاکستان بھیجا جائے گا؟ انہوں نے حکومت سے مطالبہ کیا کہ وہ پاک مقبوضہ کشمیرپر قبضہ کرنے کے لئے ٹھوس اقدامات کرے اور دہشت گردی کے خاتمے کے لئے سخت پالیسی اختیار کرے۔انہوں نے نے کہا کہ حکومت کو دہشت گردوں کے خلاف کارروائی جاری رکھنی چاہیے اور پاکستان کے ساتھ لڑائی بندی کا فیصلہ اس وقت تک مؤخر کرنا چاہیے جب تک کہ پاک مقبوضہ کشمیرکو واپس نہ لے لیا جائے۔

Source: uni urdu news service