بھارت کے سابق کپتان سوریا کمار یادیو نے آئی سی سی ٹی 20 ورلڈ کپ جیتنے کے دو ماہ بعد بطور کپتان اور کھلاڑی باہر کیے جانے پر خاموشی توڑ دی ہے۔

سوریا کمار یادیو فارمیٹ میں آؤٹ آف فارم ہونے کی وجہ سے کپتانی سے ہاتھ دھو بیٹھے 20 ٹیموں کے میگا ایونٹ کے دوران 136.72 کے اسٹرائیک ریٹ سے انہوں نے 9 اننگز میں 242 رنز بنائے۔

انڈین پریمیئر لیگ (آئی پی ایل) 2026 کی مہم میں ان کی جدوجہد جاری رہی جس کے دوران وہ 13 اننگز میں 20.76 کی اوسط اور 147.54 کے اسٹرائیک ریٹ سے 270 رنز بنا سکے۔

آخر کار ان کی جگہ شریاس ایئر کو لے لیا گیا ہے جنہوں نے 2026 کے ایڈیشن میں 168.81 پر 498 رنز بنائے۔

تاہم، قیادت کی تبدیلی بھارت کے لیے ابتدائی طور پر اچھی نہیں رہی کیونکہ انھیں آئرلینڈ اور انگلینڈ کے خلاف پے در پے سیریز میں شکست کا سامنا کرنا پڑا۔

یادیو نے سابق کرکٹر آکاش چوپڑا کے یوٹیوب چینل کے لیے انٹرویو کے دوران کہا کہ میں یہ دیکھ کر مسکرایا کہ میرا نام وہاں نہیں ہے۔

انہوں نے کہا کہ جب بھی میں دباؤ کے حالات میں رہا ہوں یا جب چیزیں میرے حق میں نہیں جا رہی ہوں میں ہمیشہ مسکرایا، پر سکون رہا، میں نے لمحات کو پیچھے دیکھا اور شکر گزار رہا میں نے نہیں سوچا تھا کہ 2026 میں ایسا ہو گا۔


سابق کپتان نے کہا کہ میں اس تاثر میں تھا کہ میں اس ٹیم کو مزید دو سال کے لیے آگے لے جانے کی تیاری کر رہا ہوں اولمپکس، ایک اور ٹی 20 ورلڈ کپ اور پھر ایک اور چیلنج آگے بڑھ رہا ہے۔

سوریا کمار یادیو نے کہا کہ میری کپتانی کے دور میں دو سال تک کوئی سیریز نہیں ہاری اور ایشیا کپ اور ٹی 20 ورلڈ کپ جیسے بڑے ٹورنامنٹ جیتے اور اس طرح تبدیلی کی ضرورت پر سوال اٹھایا۔

یادیو نے مزید کہا کہ جس آدمی کو انہوں نے چنا ہے میں نے اس کے ساتھ کافی کرکٹ کھیلی ہے۔ میں جانتا ہوں کہ وہ ایک اچھا کھلاڑی ہے، اچھا انسان ہے، اچھا کپتان بھی ہے۔

انہوں نے کہا کہ میں نے اس فیصلے پر ناراضگی کا اظہار نہیں کیا لیکن مایوسی ہوئی کیونکہ ہم نے دو سال تک کوئی سیریز نہیں ہاری، ایشیا کپ جیتا، ٹی 20 ورلڈ کپ جیتے، آپ چاہتے ہیں کہ آگے بھی ایسا ہی ہو، جب سب کچھ ٹھیک چل رہا ہے تو پھر تبدیلی کیوں کی گئی۔

سابق کپتان نے کہا کہ انہیں ہندوستانی کپتان کے طور پر تبدیل ہونے سے صرف تین دن پہلے مطلع کیا گیا تھا، ہندوستانی سلیکٹرز نے انہیں نقد سے بھرپور لیگ میں اپنی حالیہ جدوجہد کا حوالہ دیتے ہوئے آگے بڑھنے کو کہا تھا۔

انہوں نے کہا کہ دوستوں اور گھر والوں نے مجھے تسلی دی کہ یہ زندگی کا حصہ ہے۔