نیوزی لینڈ نے بھارت کے خلاف پانچ میچوں کی ون ڈے سیریز کے لیے دو الگ، الگ اسکواڈ کا اعلان کردیا ہے۔

نیوزی لینڈ نے بھارت کے خلاف 4 نومبر سے شروع ہونے والی پانچ میچوں کی ہوم ون ڈے سیریز کے لیے اپنے اسکواڈ کا اعلان کر دیا ہے جس میں فن ایلن، لوکی فرگوسن، رچن رویندرا اور ٹم سیفرٹ کو شامل کیا گیا ہے۔

کیوی کرکٹ بورڈ نے ورک لوڈ کو متوازن رکھنے کے پیش نظر الگ الگ اسکواڈز کا اعلان کیا ہے۔

پہلے 3 ون ڈے میچز: مچل سینٹنر (کپتان) ہیں دیگر کھلاڑیوں میں مائیکل بریسویل، مارک چیپمین، ڈیون کونوے، جیکب ڈفی، میٹ ہنری، کائل جیمیسن، ٹام لیتھم (وکٹ کیپر)، ڈیرل مچل، گلین فلپس، رچن رویندرا، ناتھن سمتھ، بلیئر ٹکنر، ول ینگ شامل ہیں۔

آخری 2 ون ڈے میچز: مچل سینٹنر (کپتان) ہیں، دیگر کھلاڑیوں میں فن ایلن، مائیکل بریسویل، مارک چیپمین، کرسچن کلارک، جیکب ڈفی، میٹ فشر، لوکی فرگوسن، مچ ہے (وکٹ کیپر)، نک کیلی، ٹم سیفرٹ (وکٹ کیپر)، بلیئر ٹکنر، ول ینگ شامل ہیں۔

آخری دو ون ڈے میچوں کے لیے سات نئے کھلاڑی ٹیم میں شامل کیے گئے ہیں۔ ریڈ بال (ٹیسٹ) کے کھلاڑی تیسرے میچ کے بعد ویلنگٹن روانہ ہو جائیں گے تاکہ وہ 19 نومبر کو بیسن ریزرو میں ہونے والے پہلے ٹیسٹ میچ کی تیاری کر سکیں۔

رچن رویندرا، جو کندھے کی انجری کے باعث بھارت کے خلاف گزشتہ ٹی ٹوئنٹی سیریز سے باہر ہو گئے تھے اب صحت یاب ہو کر پہلے تین ون ڈے میچوں کے لیے اسکواڈ کا حصہ بن گئے ہیں۔

فن ایلن، لوکی فرگوسن اور ٹم سیفرٹ کو آخری دو میچوں کے لیے اسکواڈ میں شامل کیا گیا ہے۔