راشٹریہ سویم سیوک سنگھ (آر ایس ایس) کے سربراہ موہن بھاگوت نے ایودھیا میں بھگوان رام کے مندر کی پران پرتشٹھا کی تاریخ کو پرتشٹھا دوادشی کے طور پر منانے کا مطالبہ کیا۔ انہوں نے کہا کہ ہندستان کو کئی صدیوں سے دشمن کے حملوں کا سامنا ہے۔ اسی دن ملک کو حقیقی آزادی حاصل ہوئی تھی۔ موہن بھاگوت نے اندور میں شری رام جنم بھومی تیرتھ کشیتر ٹرسٹ کے جنرل سکریٹری چمپت رائے کو نیشنل دیوی اہلیہ ایوارڈ پیش کیا۔ آر ایس ایس سربراہ نے یہ باتیں اس موقع پر منعقدہ تقریب کے دوران کہیں۔ ہندو کیلنڈر کے مطابق ایودھیا کے رام مندر میں رام للا کی مورتی کی پران پرتشٹھا کو 11 جنوری کو ایک سال مکمل ہو جائے گا۔ اس سے قبل چمپت رائے کو اس اعزاز سے نوازا گیا تھا۔ اس موقع پر موہن بھاگوت نے کہا کہ رام مندر تحریک کسی کی مخالفت کے لیے نہیں شروع کی گئی تھی۔ رام مندر تحریک ہندستان کے نفس کو جگانے کے لیے شروع کی گئی تھی تاکہ ملک اپنے پیروں پر کھڑا ہو اور دنیا کو راستہ دکھا سکے۔ موہن بھاگوت نے کہا کہ گزشتہ سال ایودھیا میں رام مندر کی پران پرتشٹھا کی گئی تھی۔ اس کے بعد سے ملک میں کوئی تنازعہ نہیں ہوا۔

Source: social media