کیا ختم ہو جائے گا عبادت گاہوں کا ایکٹ ؟ مودی حکومت کے موقف پر وزیر قانون کا بڑا اشارہ

وقف (ترمیمی) بل کے بارے میں مرکزی وزیر ارجن رام میگھوال نے کہا ہے کہ اس پر کام کرنے والی کمیٹی اچھی پیش رفت کر رہی ہے اور جلد ہی اس کے نتائج سامنے آئیں گے۔ مرکزی وزیر قانون میگھوال نے منگل (14 جنوری 2025) کو راشٹریہ سویم سیوک سنگھ (آر ایس ایس) سے وابستہ میگزین ’’پنچجنیہ‘‘کے ایک پروگرام کے دوران کہا کہ مودی حکومت نے وقف بل کے حوالے سے ایک بڑا فیصلہ لیا ہے۔ مرکزی وزیر نے عبادت گاہوں کے ایکٹ پر تبصرہ کرنے سے انکار کرتے ہوئے کہا کہ یہ معاملہ زیر سماعت ہے لیکن اگر سپریم کورٹ مرکز سے حلف نامہ داخل کرنے کو کہتی ہے، تو مرکز ’’قومی مفاد‘‘ میں ایک حلف نامہ داخل کرے گا۔ وقف بل پر ایک سوال کے جواب میں مرکزی وزیر نے کہا کہ نریندر مودی حکومت نے ایک ’’بڑا فیصلہ‘‘ لیا ہے اور بل لایا ہے۔ اس بل کو مرکزی کابینہ نے منظور کیا تھا۔ وقف بورڈ ہندوستان میں جائیداد رکھنے والی تیسری سب سے بڑی تنظیم ہے۔ وزارت دفاع اور ہندوستانی ریلوے کے بعد وقف بورڈ وہ ادارہ ہے جس کے پاس سب سے زیادہ جائیدادیں ہیں۔ کل 9.4 لاکھ ایکڑ اراضی پر 8.72 لاکھ اور 3.56 لاکھ وقف جائیدادیں موجود ہیں۔ حکومت کا دعویٰ ہے کہ پرانے قانون میں کچھ خامیاں ہیں جنہیں ترمیم کے ذریعے دور کیا گیا ہے، لوک سبھا میں اس بل کو پیش کرنے کے بعد اسے جے پی سی کو بھیج دیا گیا تھا۔ اب جے پی سی کی رپورٹ کا انتظار ہے۔ جے پی سی میں کل 31 ممبران ہیں جن میں سے 21 ممبران لوک سبھا اور 10 ممبران راجیہ سبھا سے ہیں۔ لوک سبھا کے ممبران میں جگدمبیکا پال، نشی کانت دوبے، تیجسوی سوریا، سنجے جیسوال، اسد الدین اویسی، ارون بھارتی، اروند ساونت اور دیگر رہنما شامل ہیں۔ راجیہ سبھا سے برجلال، ڈاکٹر میدھا وشرام کلکرنی، غلام علی، سنجے سنگھ، محمد عبداللہ، وی وجے سائی ریڈی، رادھا موہن داس اگروال، سید ناصر حسین جیسے لیڈر شامل ہیں۔

Source: social media