Article | Akhbar-e-mashriq

National

اسٹیو جاب کی اہلیہ کمبھ میلے میں بیمار

ٹیک جائنٹ اسٹیو جاب کی اہلیہ لورین پوویل مشہور کمبھ میلے میں شرکت کے دوران بیمار ہو گئیں۔ میڈیاکے مطابق لورین الرجی کا شکار ہونے کے باوجود بھی گنگا دریا میں ڈُبکی لگائیں گی۔ ہندو روحانی پیشوا سوامی کیلاش آنند نے میڈیا کو بتایا کہ لورین بیمار ہونے کے باوجود گنگا دریا میں ڈُبکی لگائیں گی، وہ الرجی کا شکار ہیں، وہ اس سے پہلے کبھی اتنے رش والی جگہ پر نہیں گئیں، وہ ہمارے ساتھ پوجا میں شامل رہنا چاہتی ہیں۔ میڈیا کے مطابق اسٹیو جاب کی اہلیہ لورین پوویل 20 جنوری کو نئے امریکی صدر کی حلف برداری سے قبل 15 جنوری تک نیر نجی اکھاڑہ کیمپ، کمبھ ٹینٹ سٹی میں میں قیام کرنے کا ارادہ رکھتی ہیں۔ ہندو عقیدے کے مطابق ہندو گنگا جمنا سروستی دریاؤں کے سنگم پر ڈبکی لگا کر اپنے گناہ دھوتے ہیں۔ یاد رہے حکومت کو اس میلے میں تقریباً 40 کروڑ افراد کی شرکت کی امید ہے، یہ دنیا کے بڑے مذہبی اجتماعات میں سے ایک مانا جاتا ہے۔ اس ضمن میں 12 سال بعد منعقد ہونے والے کمبھ میلے کو 4 ہزار ہیکٹر پر سجایا گیا ہے، جو اگلے مہینے 26 فروری تک جاری رہے گا۔

Source: social media