Article | Akhbar-e-mashriq

National

کیرالہ میں نپاہ وائرس کے معاملے ، تین اضلاع میں الرٹ جاری

ترواننت پورم، 4 جولائی:کیرالہ کی وزیر صحت وینا جارج نے جمعہ کو کہا کہ ریاست میں نپاہ وائرس کے دو کیسز سامنے آنے کے بعد تین اضلاع میں الرٹ جاری کر دیا گیا ہے ۔محترمہ جارج نے کہا کہ چونکہ متاثرہ افراد کا تعلق پلکڈ اور ملاپورم اضلاع سے ہے ، اس لیے کوزی کوڈ، ملاپورم اور پلکڈ اضلاع کے لیے الرٹ جاری کر دیا گیا ہے ۔ ملاپورم اور کوزیکوڈ میڈیکل کالجوں میں کیے گئے ابتدائی ٹیسٹوں میں نپاہ وائرس کا پتہ چلا ہے اور نمونے تصدیق کے لیے پونے کے وائرولوجی انسٹی ٹیوٹ کو بھیجے گئے ہیں۔ انہوں نے بتایا کہ نپاہ کے ابتدائی پتہ لگانے کے بعد محکمہ صحت نے احتیاطی تدابیر شروع کی ہیں اور تینوں اضلاع میں بیک وقت مہم شروع کی گئی ہے ۔ ہر ضلع میں کل 26 کمیٹیاں تشکیل دی گئی ہیں۔ کانٹیکٹ ٹریسنگ لسٹ تیار کرنے میں پولیس کی مدد لی جائے گی۔ ریاستی اور ضلع دونوں سطحوں پر ہیلپ لائنیں شروع کی جائیں گی۔ متاثرہ اضلاع میں سے دو میں ضلعی سطح پر کٹینمنٹ زون کا اعلان کیا جائے گا۔ متعلقہ ضلع کلکٹرس کو ضروری کارروائی کرنے کی ہدایت دی گئی ہے ۔

Source: uni news