پٹنہ کے تاجر گوپال کھیمکا کے قتل میں اہم پیش رفت ہوئی ہے، جہاں پولس نے مرکزی شوٹر کو گرفتار کر لیا ہے۔ پولیس نے قتل میں استعمال ہونے والا اسلحہ اور قتل کے لیے دی گئی رقم بھی برآمد کر لی ہے۔ اس معاملے میں ملزمان کی گرفتاری کے لیے چھاپے جاری ہیں۔ ڈی جی پی کا کہنا ہے کہ ایس ٹی ایف کی ٹیم معاملے کی جانچ کر رہی ہے۔ دو مشتبہ افراد کو حراست میں لے لیا گیا ہے اور ان سے پوچھ گچھ جاری ہے۔ پولیس نے شوٹر اومیش کو گرفتار کر لیا ہے جو پٹنہ سٹی علاقہ کا رہنے والا ہے۔ امیش کو ملسلامی علاقے سے گرفتار کیا گیا۔ پولیس کے پاس امیش کے خلاف مضبوط ثبوت ہیں اور جلد ہی اس معاملے میں مزید انکشافات ہو سکتے ہیں۔ پٹنہ پولیس نے بدنام زمانہ گینگسٹر اجے ورما سے بیور جیل میں پوچھ گچھ کی ہے۔ پولیس کو شبہ ہے کہ تاجر گوپال کھیمکا کا قتل زمین کے تنازعہ پر ہوا ہے۔ بیور جیل میں بند گینگسٹر اجے ورما قتل، اغوا، ڈکیتی، آرمس ایکٹ اور کانٹریکٹ کلنگ جیسے معاملات میں ملوث ہے۔ دہلی کے سلطان گنج کے رہنے والے اجے ورما کے خلاف 28 سے زیادہ مقدمات درج ہیں۔ اسے 24 جون 2025 کو پٹنہ سے قتل کی سازش کے الزام میں گرفتار کیا گیا تھا۔ اس کے پاس سے ایک جرمن ساختہ پستول اور 98 کارتوس برآمد ہوئے۔

Source: social media