واشنگٹن: امریکا اور ایران کے درمیان ہونے والی جنگ کے دوران یو ایس ایس ابراہام لنکن طیارہ بردار جہاز پر تعینات 8 اہلکاروں نے خود کشی کی کوشش کی تھی۔

امریکی میڈیا نے یہ دعویٰ قائم مقام وزیر بحریہ کی جانب سے لکھے گئے خط کی بنیاد پر کیا ہے۔ تاہم یہ بھی واضح کیا گیا ہے کہ تعیناتی کے دوران کسی اہلکار نے اپنی زندگی کا خاتمہ نہیں کیا تھا۔

یاد رہے کہ چند روز قبل ایرانی فوج نے دعویٰ کیا تھا کہ اس نے کھلے سمندر میں امریکی بحری بیڑے ابراہم لنکن کو کروز میزائل سے نشانہ بنایا ہے۔

رپورٹ کے مطابق ایران کی فوج نے دعویٰ کیا تھا کہ اس نے امریکی طیارہ بردار بحری جہاز پر کروز میزائل داغے ہیں۔

ایرانی فوج کا بیان سرکاری ٹیلی وژن پر نشر کیا گیا، جس میں امریکی اور اسرائیلی اثاثوں پر مزید حملوں کی بھی وارننگ دی گئی تھی۔