سعودی اتحادی فوج کا کہنا ہے کہ حوثیوں نے مدینہ منورہ کے گرڈ اسٹیشن پر ڈرون حملہ کیا ہے۔

ایک بیان میں سعودی اتحادی فوج کا کہنا ہے کہ حوثیوں نے 29 ستمبرکو صبح 5 بج کر11 منٹ پرمدینہ منورہ کے گرڈ اسٹیشن کو نشانہ بنایا، حملے میں بجلی کا ایک ٹرانسفارمر عارضی طور پر غیر فعال ہوا۔

ترجمان سعودی اتحادی فوج نے کہا کہ حملے سے بجلی کی ترسیل اور نیٹ ورک مجموعی طور پر متاثر نہیں ہوا۔

بیان میں مزید کہا گیا ہے کہ تحقیقات سے ثابت ہوا مدینہ منورہ کی اہم تنصیب کو سازش کے تحت نشانہ بنایا گیا، منگل کو ہونے والے حملے کے باعث گرڈ اسٹیشن کے کئی ٹرانسفارمرز بند ہوئے۔

سعودی اتحادی فوج نے مزید کہا کہ حوثیوں کے بزدلانہ حملوں نے حرمین شریفین کا تقدس پامال اور تمام مسلمانوں کے جذبات کو مجروح کیا۔