نئی دہلی، 02 مارچ (:)لوک سبھا انتخابات 2024 سے پہلے بھارتیہ جنتا پارٹی کے رکن پارلیمنٹ اور سابق کرکٹر گوتم گمبھیر نے سیاست سے دور رہنے کا فیصلہ کیا ہے۔ دہلی ایسٹ سے بی جے پی کے رکن پارلیمان گوتم گمبھیر سیاسی ذمہ داریاں چھوڑنا چاہتے ہیں۔ گمبھیر نےآج اپنے سوشل میڈیا ہینڈل پر یہ اطلاع دی۔ گمبھیر نے بی جے پی صدر جے پی نڈا، وزیر اعظم نریندر مودی اور وزیر داخلہ امت شاہ کو ٹیگ کیا ہے۔ انہوں نے جے پی نڈا سے درخواست کی کہ وہ انہیں سیاسی ذمہ داریوں سے آزادکر دیں۔ گمبھیر نے سیاسی ذمہ داریاں چھوڑنے کی وجہ بھی بتا ئی۔انہوں نے لکھا کہ- اب وہ کرکٹ سے متعلق اپنے وعدوں کو پورا کرنا چاہتے ہیں۔ گمبھیر نے ملک کی خدمت کا موقع دینے کے لئےوزیراعظم نریندر مودی اوروزیرداخلہ امت شاہ کا بھی شکریہ ادا کیا ۔ گوتم گمبھیر نے 22 مارچ 2019 کو بھارتیہ جنتا پارٹی میں شامل ہوئے تھے۔ بی جے پی نے انہیں صرف دو ماہ بعد 2019 کے لوک سبھا انتخابات میں مشرقی دہلی کی سیٹ سے اپنا امیدوار بنایا تھا۔ گمبھیر نے عام آدمی پارٹی (اے اے پی) کی امیدوار آتشی اور کانگریس کے ارویندر سنگھ لولی کو 6 لاکھ 95 ہزار 109 ووٹوں سے شکست دی تھی۔ مہیش گری کی جگہ گمبھیر کو ٹکٹ دیا گیا تھا۔
Source: uni news
ہاتھرس میں سڑک حادثہ، 15 لوگوں کی موت اور 16 زخمی
ایم ایل اے کا بھائی اور ڈرائیور نیپال بارڈر پر غیر قانونی کارتوس کے ساتھ گرفتار
’طیارے میں بم ہے‘، ہندستانی ائیرلائن کی پرواز کی ترکیہ میں ہنگامی لینڈنگ
آپ ہریانہ کی تمام سیٹوں پر الیکشن لڑنے کے لیے تیار: ککڑ
خاتون کی مبینہ عصمت دری کاقابل اعتراض ویڈیو پر حکمراں اور اپوزیشن جماعتیں حملہ آور
بہار میں 65 فیصد ریزرویشن، سپریم کورٹ آر جے ڈی کی عرضی پر غور کرے گی
امن کی مکمل بحالی تک پاکستان کے ساتھ کوئی بات چیت نہیں ہوگی: امت شاہ
راجیہ سبھا نے بھارت چھوڑو تحریک کے مجاہدین کو خراج عقیدت پیش کیا
آل انڈیا مسلم پرسنل لا بورڈ وقف ترمیمی بل کے سلسلہ میں جوائنٹ پارلیمانی کمیٹی سے ملاقات کرے گا: مولانا فضل الرحیم مجددی
سابق وزیر اور کانگریس ایم ایل اے عالمگیر عالم کی درخواست ضمانت مسترد