دہلی کے وزیر اعلی اروند کجریوال کی مشکلات کم نہیں ہو رہی ہیں۔ راﺅس ایونیو کورٹ نے دہلی شراب گھوٹالہ سے متعلق سی بی آئی کیس میں وزیر اعلی کجریوال کی عدالتی حراست میں توسیع کر دی ہے۔ اب سماعت 8 اگست کو ہوگی۔ کجریوال کی پیشی تہاڑ جیل سے ویڈیو کانفرنسنگ کے ذریعے ہوئی۔ سی بی آئی نے کجریوال کو تہاڑ جیل سے ہی گرفتار کیا تھا۔ کجریوال کے علاوہ سابق ڈپٹی سی ایم منیش سسودیا اور بی آر ایس لیڈر کے کویتا بھی ویڈیو کانفرنسنگ کے ذریعے عدالت میں پیش ہوئے۔ راوس ایونیو کورٹ نے منیش سسودیا کی عدالتی تحویل میں 31 جولائی تک اور کے کویتا کی عدالتی تحویل میں 31 جولائی تک توسیع کر دی ہے۔ اس سے قبل 12 جولائی کو عدالت نے ایکسائز پالیسی سے متعلق بدعنوانی کے معاملے میں وزیر اعلی اروند کجریوال کی عدالتی حراست میں جمعہ کو 25 جولائی تک توسیع کر دی تھی، جس کی جانچ سی بی آئی کر رہی ہے۔ دوسری طرف، دہلی ہائی کورٹ نے 17 جولائی کو وزیر اعلی اروندکجریوال کی طرف سے دائر درخواست پر اپنا فیصلہ محفوظ کر لیا جس میں مرکزی تفتیشی بیورو (سی بی آئی) کی طرف سے ایکسائز پالیسی معاملے سے متعلق بدعنوانی کے معاملے میں ان کی گرفتاری کو چیلنج کیا گیا تھا۔کجریوال نے ان کی گرفتاری کو غیر قانونی قرار دیا ہے۔ سی بی آئی نے کہا کہ مکمل ثبوت دستیاب ہونے کے بعد ہی قانون کے تحت گرفتاری عمل میں آئی۔ جسٹس نینا بنسل کرشنا نے کیجریوال کی عبوری ضمانت کی درخواست پر بھی فیصلہ محفوظ کر لیا ہے۔
Source: Social Media
ہاتھرس میں سڑک حادثہ، 15 لوگوں کی موت اور 16 زخمی
ایم ایل اے کا بھائی اور ڈرائیور نیپال بارڈر پر غیر قانونی کارتوس کے ساتھ گرفتار
’طیارے میں بم ہے‘، ہندستانی ائیرلائن کی پرواز کی ترکیہ میں ہنگامی لینڈنگ
آپ ہریانہ کی تمام سیٹوں پر الیکشن لڑنے کے لیے تیار: ککڑ
خاتون کی مبینہ عصمت دری کاقابل اعتراض ویڈیو پر حکمراں اور اپوزیشن جماعتیں حملہ آور
بہار میں 65 فیصد ریزرویشن، سپریم کورٹ آر جے ڈی کی عرضی پر غور کرے گی
امن کی مکمل بحالی تک پاکستان کے ساتھ کوئی بات چیت نہیں ہوگی: امت شاہ
راجیہ سبھا نے بھارت چھوڑو تحریک کے مجاہدین کو خراج عقیدت پیش کیا
آل انڈیا مسلم پرسنل لا بورڈ وقف ترمیمی بل کے سلسلہ میں جوائنٹ پارلیمانی کمیٹی سے ملاقات کرے گا: مولانا فضل الرحیم مجددی
سابق وزیر اور کانگریس ایم ایل اے عالمگیر عالم کی درخواست ضمانت مسترد