نئی دہلی، 6 ستمبر : سپریم کورٹ نے جمعہ کو کہا کہ وہ بہار میں تعلیمی اداروں اور سرکاری ملازمتوں میں پسماندہ طبقات، درج فہرست ذاتوں اور درج فہرست قبائل (ایس سی/ ایس ٹی) کے لیے ریزرویشن کی حد 50 سے بڑھاکر 65 فیصد کرنے کے ریاستی حکومت کے فیصلے کو خارج کرنے والے پٹنہ ہائی کورٹ کے 20 جون کے فیصلے کے خلاف راشٹریہ جنتا دل (آر جے ڈی) کی درخواست پر غور کرے گی چیف جسٹس ڈی وائی چندرچوڑ اور جسٹس جے بی پاردی والا اور منوج مشرا کی بنچ نے آر جے ڈی کی عرضی پر نوٹس جاری کیا اور اس پر بہار حکومت کی طرف سے دائر ایک اور درخواست کے ساتھ سماعت کرنے کا فیصلہ کیا۔ سپریم کورٹ نے 29 جولائی کو ہائی کورٹ کے فیصلے پر روک لگانے سے انکار کر دیا تھا۔ پٹنہ ہائی کورٹ نے اپنے فیصلے میں کہا تھا، "ریاست کو 50 فیصد کی حد کے اندر ریزرویشن فیصد کا خود جائزہ لینا چاہیے اور 'کریمی لیئر' کو فائدہ سے باہر رکھنا چاہیے۔" اپنی درخواست میں، بہار حکومت نے ہائی کورٹ کے اس نظریے کی صداقت پر سوال اٹھایا تھا کہ ریزرویشن کا دائرہ بڑھانے سے روزگار اور تعلیم کے معاملات میں شہریوں کے لیے مساوی مواقع کے حق کی خلاف ورزی ہوئی ہے۔ درخواست میں کہا گیا تھا کہ ہائی کورٹ نے ریاستی حکومت کی طرف سے کئے گئے ذات کے سروے کے بعد پاس 'بہارپوسٹوں اور خدمات میں آسامیوں کے ریزرویشن (درج فہرست ذاتوں، درج فہرست قبائل اور دیگر پسماندہ طبقات کے لیے) ترمیمی ایکٹ 2023' کوغلط طریقے سے رد کردیا۔ عرضی میں کہا گیا ہے کہ بہار واحد ایسی ریاست ہے جس نے یہ شروع کیا اور پوری آبادی کے سماجی، معاشی اور تعلیمی حالات پر اپنی ذات کے سروے کی رپورٹ شائع کی ہے۔ ریاست نے اس عدالت کے پابند فیصلوں کی تعمیل کی اور پھر ریزرویشن ایکٹ میں ترمیم کی ہے۔ تاہم، ہائی کورٹ آئین کے آرٹیکل 16(4) کی اصل نوعیت اور اہمیت کو سمجھنے میں ناکام رہی۔ ریزرویشن بڑھانے کا فیصلہ اندرا ساہنی (منڈل کمیشن)، جے شری لکشمن راؤ پاٹل (مراٹھا کوٹہ) اور کئی دیگر معاملات سمیت کئی معاملے میں سپریم کورٹ کے مقررکردہ قانون کے مطابق ہے۔
Source: uni news
جموں وکشمیر میں اسمبلی انتخابات کے پہلے مرحلے کی پولنگ کے لئے چناوی مہم اختتام
ہم دفعہ 370 کی بحالی کے لئے دوبارہ عدالت عظمیٰ کا دروازہ کھٹکھٹائیں گے: ڈاکٹر فاروق عبداللہ
ہندستان نے ایران کے سپریم لیڈر کے ریمارکس کی مذمت کی
عام آدمی پارٹی کی پی اے سی میٹنگ میں نئے وزیر اعلیٰ کے حوالے سے بات چیت ہوئی
منڈی کی مسجد میں مسلم برادری نے خود ہی غیر قانونی تعمیر کو توڑا
ہندستان میں ہنر کا احترام نہیں: راہل
تین بنگلہ دیشی صحافیوں سمیت چار افراد ہندستان میں داخل ہونے کی کوشش کے دوران حراست میں
پونچھ کے جنگلی علاقے میں تیسرے روز بھی ملی ٹینٹ مخالف آپریشن جاری
بہرائچ میں بھیڑیوں کے دہشت ہنوز جاری، پھر معصوم کو بنایا اپنا نشانہ
اقتدار کے لالچی لوگ ہندستان کو ٹکڑے ٹکڑے کرنے پر تلے ہوئے ہیں: مودی