عبد الکلام فاﺅنڈیشن کی جانب سے یہاں بیلگچھیا کو چوک بازار میں علاقے سے برائیوںکے خاتمے کےلئے ایک جلسہ عام کا اہتمام کیا گیا جس میں علاقے کی تمام مساجد کے ائمہ کرام، علاقے کے مشہور و معروف ڈاکٹر، ڈاکٹر پرسون بنرجی اور الٹا ڈانگہ تھانہ کے افسر انچارج سوربھ کانتی پہاڑی ، امن کمیٹی کے اہم ذمہ داران کے علاوہ علاقے کے اسکولوں کے ہیڈ ماسٹر اور اساتذہ کرام نے حصہ لیا۔ اور یہ عہد کیا کہ علاقے سے برائیوں کے خاتمے کے لئے جو کچھ ممکن ہوسکے گا اسے دور کرنے کی کوشش کی جائے گی۔ جلسہ میں حصہ لینے والے مقررین نے کہا کہ ان دنوں علاقے میں نشہ کرنے والوں کی سرگرمیاں دیکھی جا رہی ہیں ۔ یہ لوگ ٹبلٹ کا استعمال کر رہے ہیں۔ اس کی روک تھام کےلئے علاقے میں واقع تمام دوا دکان کے مالکوں کے ساتھ میٹنگ کی گئی ہے اور ان سے اپیل کی گئی ہے کہ وہ اپنی دکانوں سے اس طرح کی ممنوعہ دوا فروخت نہ کریں۔ اس سے لڑکے بگڑ رہے ہیں۔ ان لوگوںنے اس پر رضا مندی دے دی ہے۔او سی کا کہنا ہے کہ چھوٹی چھوٹی دکانوں میں بھی اس طرح کی ممنوعہ دوا فروخت ہوسکتی ہے۔ا ن پر نظر رکھنے کی ضرورت ہے۔ انہوں نے لوگوں سے اپیل کی ایسا اگر کسی کو پتہ چلے تو وہ ہمیں بتا سکتے ہیں۔ یہ جلسہ حسنین عرف ٹائیگر نے اپنے والد مرحوم عبد الکلام کی یاد میں کیا تھا۔ اس کی نقابت کے فرائض محمد شمشاد خان نے بخوبی نبھائے۔ اس موقع پر او سی مسٹر پہاڑی کو ان کی سماجی خدمات کو دیکھتے ہوئے انہیں انعامات سے نوازا گیا۔ واضح رہے کہ مسٹر پہاڑی گزشتہ نو مہینے سے الٹا ڈانگہ تھانہ کے او سی کی ذمہ داری نبھا رہے ہیں۔ اتنے کم دنوں میں انہوں نے بیلگچھیا والوں کے دلوں میں اپنی جگہ بنا لی ہے۔ علاقے کی تمام تنظیمیں اور ادارے انہیں اپنے پروگراموں میں مدعو کرتے ہیں۔ یہی حال علاقے کے ڈاکٹر پرسون گھوش کا ہے۔ انہوں نے کوڈ کے زمانے میں لوگوں نے کافی خدمت کی۔ان کی خدمت کو لوگ بھول نہیں پاتے ہیں۔انہوں نے ابھی حال میں آر جی کار معاملے میں بیلگچھیا کے ملوث ہونے کے معاملے میں ڈیبٹ میں دفاع کیا تھا۔پولس کی بھی انہوں نے دفاع کی۔ اس موقع پر موجود مولانا معین قاسمی صاحب نے بھی کہا کہ وہ امن کمیٹی کے ساتھ تھے ہیں اور رہیں گے۔ واضح رہے کہ گزشتہ چالیس برسوں سے امن کمیٹی علاقے کی فلاح کےلئے کام کر رہی ہے۔آج بیلگچھیا سے برائیوں کے خاتمے میں امن کمیٹی کا بڑا اور اہم رول رہا ہے۔آج بھی یہ یونٹ کام کر رہی ہے۔ادھر اشرف خان نے حمد و نعت اور غزل کے ذریعہ لوگوںکا دل جیت لیا۔ اس طرح یہ پروگرام شاندار کامیابی کے ساتھ اختتام پزیر کیا۔

Source: social media