معروف افسانہ نگار انیس رفیع صاحب کا عید الاضحیٰ کے دن انتقال ہوگیا تھا۔ کسی کو یہ یقین نہیں ہورہا تھا کہ انیس صاحب اتنی جلدی اور اچانک چلے جائیں گے۔ ان کی موت سے ادب کی دنیا میں ایک خلاءپیدا ہوگیا ہے جس کو بھرنے میںکافی وقت لگ سکتا ہے۔ اس سلسلے میں بنگال کی مختلف تنظیموں نے مرحوم کو خراج عقیدت پیش کرنے کےلئے تعزیتی جلسے کا انعقاد کیا ہے۔ اسی سلسلے کی ایک کڑی کے طور پر انجمن ترقی اردو مغربی بنگال کی جانب سے مرحوم انیس رفیع صاحب کو خراج عقیدت پیش کرنے کےلئے محمد جان ہائی اسکول کولکاتا میں ایک تعزیتی جلسے کا اہتمام کیا گیا جس میں انجمن ترقم اردو مغربی بنگال کے علاوہ دیگر شعبہ جات سے تعلق رکھنے والے لوگوں نے حصہ لیا۔ اس جلسے کی صدارت پروفیسر منصور صاحب نے کی۔ جبکہ نقابت کے فرائص انجمن کے صدر اظہار عالم نے انجام دیئے۔سبھی لوگوں نے انیس رفیع صاحب کوخراج عقیدت پیش کرتے ہوئے ان کے حق میں دعا کی۔انجمن کی جانب سے اس موقع پریہ اعلان کیا گیا کہ انیس رفیع کے سلسلے میں ایک سمینار کا انعقاد کیا جائے گا اور اس میں مقالہ پڑھنے والوں کے مقالے کو لے کر ایک کتاب شائع کی جائے گی۔ جس کی تائید سابق کونسلر اور انیس رفیع صاحب کے بھتیجے شمیم انور خان نے کی۔ وہ بھی اس موقع پرجلسے میں موجود تھے۔اس موقع پر موجود ہندی کے پروفیسر ستیہ پرکاش تیوار ی نے کہا کہ مرحوم انیس رفیع کے افسانوں کی کتاب کو جو ہندی میں بھی دستیاب ہے اسے پڑھ کر وہ بھی ان پر مضمون لکھیںگے۔یہاں موجود زیادہ تر لوگوں نے مرحوم کے ساتھ اپنے دیرینہ تعلقات کا ذکر کیا۔ اس موقع پر خواجہ احمد حسین بھی موجود تھے۔ انہوں نے مرحوم انیس رفیع صاحب کے ساتھ ان کے ہم عصروںکوذکر کیا اور انیس صاحب کے کارناموں کا اجاگر کیا۔پروفیسر منصور صاحب نے اپنے صدارتی خطبے میںکہا کہ جو بھی لوگ ادب سے جڑے ہوئے ہیں یا کسی بھی فیلڈ میں ہوں انہیں چاہئے کہ اپنے کارناموں کو ایک کتاب شکل دے ۔ کیونکہ اسے کے سہارے وہ زندہ رہیں گے ورنہ بہت سے ماہر لوگوں کو دیکھا گیا ہے کہ لوگ انہیں بھلا دیتے ہیں۔انہوں نے انجمن کو یہ مشورہ دیا کہ وہ اپنا مجلہ یا کتابچہ وغیرہ چھاپتا رہے تاکہ لوگوں کو انجمن کی تمام سرگرمیوں کے بارے میں پتہ چلتا ہے۔تقریر کرنے والوں میں ادارہ کے جنرل سکریٹری ڈاکٹر واصف اختر، عامر امین صحاب، ڈاکٹر نہال ، دلشادالحق، محمد افضل خان، انیس الرحمان، ساجد بھائی،وغیرہ نے تقریر کی ۔

Source: Mashriq News service