شام میں ملٹری آپریشنز ڈیپارٹمنٹ کے کمانڈر احمد الشرع نے شام کی عبوری حکومت میں انجینئر معارف ابو قصرہ کی بطور وزیر دفاع تقرری کا اعلان کردیا ہے۔ مرهف أبو قصرة احمد الشرع اور مسلح دھڑوں کے درمیان نئے عسکری ادارے کی تشکیل کے حوالے سے ہونے والی اجلاس میں بھی شریک ہوئے۔ احمد الشرع نے اعلان کیا کہ تمام عسکری گروپوں کو وزارت دفاع کے زیر انتظام نئی فوج کے ایک ادارے میں ضم کر دیا جائے گا۔ قبل ازیں احمد الشرع نے کہا تھا کہ تمام گروپوں کو تحلیل کر دیا جائے گا اور شامی ریاست کے سوا کسی کے ہاتھ میں کوئی ہتھیار نہیں ہوگا۔ انہوں نے کہا تھا شام میں اب جبری بھرتی نہیں ہو گی۔ واضح رہے شام کی نئی قیادت نے بشار الاسد حکومت کا تختہ الٹنے کے بعد کئی شخصیات کو شامی گورنری کے امور کی ذمہ داریاں سونپی ہیں۔ ان میں احرار الشام کے سربراہ عامر الشیخ بھی شامل ہے۔ انہیں دمشق کے دیہی علاقوں کی گورنری کے معاملات سنھبالنے کی ذمہ داری دی گئی ہے۔ مرھف ابوقصرہ، جنہیں ابو الحسن 600 کے نام سے بھی جانا جاتا ہے، ھیئہ تحریر الشام کے عسکری آپریشنز کے شعبے کے سب سے نمایاں رہنماؤں میں سے ایک ہیں۔ انہوں نے اس ماہ کے شروع میں بشار الاسد کی حکومت کو اقتدار سے بے دخل کرنے کے آپریشن کی قیادت کی تھی۔ انہوں نے زرعی انجینئرنگ میں بیچلر کی ڈگری حاصل کر رکھی ہے۔ مرھف حماۃ گورنری کے شہر حلفایا میں پیدا ہوئے۔

Source: social media