Sports

بنگلادیش کی آسٹریلیا کیخلاف ٹیسٹ میچ میں پہلی تاریخی فتح

16/08/26

بنگلادیش نے پہلی مرتبہ آسٹریلیا کو آسٹریلیا میں 9 وکٹ سے شکست دے کر تاریخی کامیابی حاصل کر لی۔

میزبان آسٹریلیا کی جانب سے دیا گیا 57 رنز کا ہدف بنگلا دیش نے 1 وکٹ کے نقصان پر حاصل کر لیا اور یوں مہمان ٹیم نے سیریز کے پہلے ٹیسٹ میچ میں آسٹریلیا کو 9 وکٹوں سے ہرا دیا۔

فاتح ٹیم کی جانب سے شادمان اسلام 25 اور مومن الحق 30 رنز بنا کر ناٹ آؤٹ رہے۔

قبل ازیں ڈارون ٹیسٹ کی دوسری اننگز میں آسٹریلوی ٹیم 284 رنز بنا کر آؤٹ ہوگئی تھی جس میں میزبان ٹیم کے کیمرون گرین نے 104 بنائے تھے۔

بنگلادیش کے مہدی میراز نے 66 رن کے عوض 5 وکٹیں حاصل کیں جبکہ حسن محمود نے 3، تسکین اور تیج الاسلام نے ایک ایک وکٹ لی۔

آسٹریلیا کی ٹیم پہلی اننگز میں 198 جبکہ دوسری اننگز میں 284 رنز بنا سکی۔

بنگلادیش نے پہلی اننگز میں 426 رنز بنائے تھے۔

Source: Admin