ممبئی، 13 جون : ایران اور اسرائیل کے درمیان بڑھتی ہوئی کشیدگی سے خوفزدہ سرمایہ کاروں کی جانب سے مقامی سطح پر چوطرفہ فروخت کی وجہ سے شیئر مارکیٹ میں آج مسلسل دوسرے دن گراوٹ درج کی گئی۔ بی ایس ای کا ا حساس انڈیکس سینسیکس 573.38 پوائنٹس کی گراوٹ کے ساتھ 81,118.60 پوائنٹس کی سطح پر اور نیشنل اسٹاک ایکسچینج (این ایس ای) کا نفٹی 169.60 پوائنٹس کی گراوٹ کے ساتھ 24718.60 پوائنٹس پر بند ہوا۔ اسی طرح بی ایس ای کا مڈ کیپ 0.32 فیصد گر اوٹ سے 45,681.28 پوائنٹس پر اور اسمال کیپ 0.30 فیصد گر کر 53,370.29 پوائنٹس کی سطح پر آگیا۔ اس مدت کے دوران، بی ایس ای میں کل 4123 کمپنیوں میں سے 2469 میں فروخت کا غلبہ رہا جبکہ 1516 میں خریداری ہوئی، جبکہ 138 میں کوئی تبدیلی نہیں ہوئی۔ اسی طرح این ایس ای پر کاروبار کے لیے درج کمپنیوں کے کل 2964 حصص میں سے 1824 میں گراوٹ ہوئی، 1059 میں اضافہ ہوا، جبکہ 81 میں استقرار درج کیا گیا۔ ہیلتھ کیئر اور ریئلٹی کے علاوہ ، بی ایس ای میں 19 دیگر مجموعوں میں فروخت درج کی گئی۔ اس کی وجہ سے کموڈٹیز میں 0.58، سی ڈی میں 0.40، توانائی میں 0.63، ایف ایم سی جی میں 0.94، مالیاتی خدمات میں 0.85، انڈسٹریز میں 0.05، آئی ٹی میں 0.09، ٹیلی کام میں 0.67، یوٹیلٹیز میں 0.91، آٹو میں 0.91، گڈز میں 0.01، کنزیومر ڈیوربل میں 0.49، میٹلز 0.81، آئل اینڈ گیس میں 0.57، پاور میں 0.75، ٹیک میں 0.08، سروسز میں 2.06 اور فوکسڈ آئی ٹی گروپ کے حصص میں 0.01 فیصد کی گراوٹ ہوئی۔ اس دوران، عالمی سطح پر گراوٹ کا رجحان رہا۔ برطانیہ کے ایف ٹی ایس ای میں 0.42 فیصد، جرمنی کے ڈی اے ایکس میں 1.49 فیصد، جاپان کے نکئی میں 0.89 فیصد، ہانگ کانگ کے ہینگ سینگ میں 0.59 فیصد اور چین کے شنگھائی کمپوزٹ میں 0.75 فیصد کی گراوٹ درج ہوئی۔

Source: uni news