حیدرآباد: حیدرآباد میں پارک کی گئی کاروں سے اسپیئر وہیل (اسٹیپنی) اور رم چوری کرنے کے الزام میں گڈی ملکاپور پولیس نے 23 سالہ ایم بی اے کے طالب علم کو گرفتار کرلیا۔ پولیس نے اس کے قبضے سے چوری کے 15 ٹائر بمعہ رم برآمد کیے ہیں۔
ملزم کی شناخت سوبان علی خان کی حیثیت سے کی گئی ہے، جو مساب ٹینک کا رہنے والا اور ایم بی اے سال اول کا طالب علم ہے۔ پولیس کے مطابق وہ خاص طور پر مہندرا تھار گاڑیوں کو نشانہ بناتا تھا۔
پولیس نے بتایا کہ ملزم چوری کے لیے منفرد طریقہ اختیار کرتا تھا۔ وہ پنکچر کی دکانوں سے 200 تا 300 روپے بطور ضمانت جمع کرکے اوزار حاصل کرتا اور ان کی مدد سے پارک کی گئی گاڑیوں کے اسپیئر وہیل نکال لیتا تھا۔ بعد ازاں اوزار واپس کرکے اپنی جمع شدہ رقم بھی حاصل کرلیتا تھا۔
پوچھ گچھ کے دوران ملزم نے مبینہ طور پر حیدرآباد کے 10 پولیس اسٹیشنوں کے حدود میں 11 سرقہ کی وارداتوں میں ملوث ہونے کا اعتراف کیا۔ ان میں عطاپور کی دو وارداتیں بھی شامل ہیں۔
پولیس نے ملزم کے قبضے سے مہندرا تھار کے 12، فورڈ اینڈیور کے 2 اور فورڈ ایکو اسپورٹ کا ایک اسپیئر وہیل برآمد کیا ہے۔
سوبان علی خان کو ہفتہ کے روز نوودیا کالونی میں گرفتار کیا گیا اور بعد ازاں نمپلی عدالت میں پیش کرتے ہوئے عدالتی تحویل میں بھیج دیا گیا۔
پولیس نے گاڑی مالکان کو مشورہ دیا ہے کہ وہ اپنی گاڑیاں سی سی ٹی وی کیمروں کی نگرانی والے مقامات پر پارک کریں اور گاڑیوں کے اطراف کسی بھی مشتبہ سرگرمی کی اطلاع فوری پولیس کو دیں۔
حیدرآباد: حیدرآباد میں پارک کی گئی کاروں سے اسپیئر وہیل (اسٹیپنی) اور رم چوری کرنے کے الزام میں گڈی ملکاپور پولیس نے 23 سالہ ایم بی اے کے طالب علم کو گرفتار کرلیا۔ پولیس نے اس کے ق...
Source: Admin
