سعودی عرب نے ایسٹ ویسٹ پائپ لائن سے خام تیل کی سپلائی دوبارہ شروع کردی ہے۔

تجارتی ذرائع نے خبر ایجنسی سے گفتگو میں بتایا کہ پائپ لائن فی الحال کم رفتار پر تیل پمپ کر رہی ہے۔

بحیرہ احمر میں واقع ینبع پورٹ سے تیل کی برآمدات بحال کرنے کی تیاریاں بھی کی جارہی ہیں۔

سعودی عرب نے 13 ستمبر کو ڈرون حملے کے بعد سعودی عرب نے ایسٹ ویسٹ پائپ لائن بند کردی تھی، جس کے باعث ینبع پورٹ پر خام تیل کی لوڈنگ روک دی گئی تھی۔

سعودی پائپ لائن کی بحالی کی خبروں پر عالمی منڈی میں تیل کی قیمتوں میں کمی ہوگئی، برینٹ 100 ڈالر سے نیچے آ گیا اور 98 ڈالر فی بیرل پر ٹریڈ ہوتا دیکھا گیا۔