امریکی شیئر بازار میں گراوٹ کے اثرات منگل کو ہندستانی اسٹاک مارکیٹ پر بھی دیکھے گئے، جہاں کاروبار کی شروعات کے ساتھ ہی شدید مندی دیکھی گئی۔ بمبئی اسٹاک ایکسچینج کے 30 شیئرز پر مشتمل سینسیکس کھلتے ہی 400 پوائنٹس نیچے گر گیا، جبکہ نیشنل اسٹاک ایکسچینج کا نفٹی بھی 130 پوائنٹس سے زیادہ نیچے چلا گیا۔ مارکیٹ میں سب سے زیادہ نقصان انڈس انڈ بینک کو ہوا، جس کے شیئرز کھلنے کے ساتھ ہی 15 فیصد تک گر گئے۔ ٹیکنالوجی سیکٹر میں بھی نمایاں گراوٹ دیکھی گئی، جہاں انفوسس، ٹی سی ایس اور ٹیک مہندرا جیسے بڑے شیئرز میں کمی ریکارڈ کی گئی۔ پیر کو سینسیکس 74,115.17 پر بند ہوا تھا، لیکن منگل کو 73,743.88 پر کھلا اور چند منٹوں میں مزید گرتے ہوئے 73,672 کے لیول پر پہنچ گیا۔ نفٹی بھی پیر کے 22,460.30 کے مقابلے میں 22,345.95 پر کھلا اور تیزی سے 22,314 کے لیول تک نیچے آ گیا۔ ADVERTISEMENT مارکیٹ کھلنے کے ساتھ ہی 617 کمپنیوں کے شیئرز میں تیزی دیکھی گئی، جبکہ 1715 کمپنیوں کے شیئرز گراوٹ کے ساتھ سرخ نشان پر پہنچ گئے۔ مزید برآں، 105 کمپنیوں کے شیئرز میں کوئی خاص تبدیلی نہیں دیکھی گئی۔ ابتدائی کاروبار میں انڈس انڈ بینک، انفوسس، ٹیک مہندرا، ٹی سی ایس اور ٹاٹا موٹرز کے شیئرز میں شدید گراوٹ دیکھی گئی، جبکہ آئی سی آئی سی آئی بینک، ماروتی سوزوکی اور او این جی سی کے شیئرز ہرے نشان پر نظر آئے۔ ماہرین کا کہنا ہے کہ امریکی شیئر مارکیٹ میں حالیہ گراوٹ اور عالمی سطح پر اقتصادی خدشات ہندستانی مارکیٹ پر بھی اثر انداز ہو رہے ہیں۔ خاص طور پر ٹیکنالوجی اور بینکنگ سیکٹر پر دباؤ برقرار رہ سکتا ہے۔ سرمایہ کاروں کو محتاط رہنے اور طویل مدتی سرمایہ کاری کے لیے حکمت عملی بنانے کا مشورہ دیا جا رہا ہے۔ اگر عالمی مارکیٹ میں استحکام نہ آیا تو آنے والے دنوں میں مزید اتار چڑھاؤ دیکھنے کو مل سکتا ہے، اس لیے شارٹ ٹرم میں بڑی سرمایہ کاری سے گریز کی ہدایت دی جا رہی ہے۔
Source: social media
وقف ترمیمی بل 2024 کے خلاف آل انڈیا مسلم پرسنل لا بورڈ نے احتجاج کا اعلان کر دیا
’ہر مسجد میں مندر تلاش کیا گیا تو ہندوستان بھی افغانستان بن جائے گا‘، موجودہ حالات پر سابق اے ایس آئی چیف کا تلخ تبصرہ
یوپی: نوئیڈا میں جی ایس ٹی کے ڈپٹی کمشنر سنجے سنگھ کی خودکشی، اہلیہ نے سسٹم کو ٹھہرایا ذمہ دار
دنیا کے 20 سب سے آلودہ شہروں میں 13 ہندستان کے، دہلی سب سے آلودہ راجدھانی
'جن کو ہولی کے رنگ سے بچنا ہے وہ ترپال کا حجاب پہن کر گھر سے نکلیں'، یوگی حکومت کے وزیر کا متنازعہ بیان
مدھیہ پردیش کے مہو میں ہونے والی فرقہ وارانہ جھڑپوں کے سلسلے میں پانچ ایف آئی آرز درج کی گئیں، 13 افراد گرفتار
مرادآباد: دلت لڑکی کے اغوا اور دو ماہ تک یرغمال بنا کر عصمت دری معاملے میں تھانہ انچارج لائن حاضر، دو معطل
امریکی شیئر بازار کے اثرات: ہندستانی اسٹاک مارکیٹ میں زبردست گراوٹ، سینسیکس 400 پوائنٹس نیچے
ڈیزائنرز نے گلمرگ شو کے لیے معافی مانگی: رمضان کے دوران ہونے والی چوٹ پر گہرا افسوس
بہار کے بی جے پی ایم ایل اے نے مسلمانوں کو ہولی کے دوران گھر کے اندر رہنے کو کہا۔ تیجسوی یادو نے ’تقسیم کی سیاست‘ پر تنقید کی
کانگریس پر بھروسہ نہیں کیا جاسکتا: آتشی کا کہنا ہے کہ عام آدمی پارٹی 2027 کے گوا انتخابات میں اتحاد میں شامل نہیں ہوگی
ماریشس کا دورہ باہمی ترقی اور خوشحالی کے لیے اہم: مودی
’وزیر تعلیم خود کو شہنشاہ سمجھ کر تکبر بھری بات کرتے ہیں‘، سہ لسانی پالیسی سے ناراض وزیر اعلیٰ اسٹالن کا سنگین الزام
نہیں گھٹ رہی مہنگائی! فروری ماہ میں ’نان ویج تھالی‘ کی قیمت پھر بڑھی، کریسل کی رپورٹ میں انکشاف
