ایرانی فوج نے کہا ہے کہ اسرائیل اور امریکہ کے ساتھ جنگ کے نتیجے میں تباہ ہونے والے تمام اسلحہ سسٹمز دوبارہ تعمیر کر لیے گئے ہیں۔ ملک نے نئے سسٹمز بھی برآمد کیے ہیں۔

سٹیٹ ٹیلی ویژن نے فوج کے ترجمان محمد اکرم نیا کے حوالے سے کہا کہ مسلح افواج کے تمام شعبوں میں سسٹمز کو دوبارہ تعمیر کر لیا گیا ہے۔ جو شعبے متاثر ہوئے تھے وہ بحال کرلیے گئے اور نئے سسٹمز بھی برآمد کیے گئے ہیں۔

محمد اکرم نیا نے مزید کہا کہہمیں دفاعی صنعت کے شعبے اور فوج کے ذریعے نئے سسٹمز فراہم کیے گئے ہیں۔ کچھ بیرون ملک سے برآمد کیے گئے ہیں۔ نئے سامان نے ہماری جنگی صلاحیتوں کو مضبوط کرنے میں کردار ادا کیا ہے۔

یاد رہے مشرق وسطیٰ میں جنگ 28 فروری کو ایران پر امریکہ اور اسرائیل کے بڑے پیمانے پر حملوں کے بعد چھڑی تھی۔ جواب میں ایران نے خطے کے مختلف حصوں پر بمباری کی۔ 8 اپریل کو جنگ بندی کے بعد سے شدید بمباری کی کارروائیاں کافی حد تک کم ہو گئی ہیں لیکن جنگ ختم کرنے کی سفارتی کوششیں سست رو حملوں کے جاری رہنے کے ساتھ تاخیر کا شکار ہوگئی ہیں۔ خاص طور پر تزویراتی نوعیت کے آبنائے ہرمز کے حوالے سے بات چیت سستی کا شکار ہوگئی ہے۔

اکرم نیا نے کہا کہ ہم نے ان سسٹمز کی دوبارہ تعمیر اور انہیں دوبارہ تعینات کرنے کے لیے سنجیدہ اقدامات کیے ہیں جنہیں دشمن نے نقصان پہنچایا تھا۔ ملک نے اپنا فوجی نظریہ دفاعی سے جارحانہ میں بدل دیا ہے۔ انہوں نے بات جاری رکھتے ہوئے کہا کہ پیشگی حملے بین الاقوامی قانون اور اقوام متحدہ کے منشور کے تحت جائز ہیں اور یہ یقیناً اس وقت ہوتا ہے جب وہ تناسب اور ضرورت کے اصولوں کے احترام کے ساتھ جڑے ہوں۔