National

امریکی بحریہ میں تشویش: ملاحوں کی شدید تھکن اور ذہنی تناؤ کے بعد مشرقِ وسطیٰ میں بیڑا بدلنے کا فیصلہ

14/08/26

واشنگٹن:

امریکی دفاعی حکام کے مطابق، امریکہ اپنا ایٹمی طیارہ بردار بحری جہاز "یو ایس ایس جارج واشنگٹن" مشرقِ وسطیٰ بھیجنے کی تیاری کر رہا ہے، جہاں وہ پہلے سے تعینات "یو ایس ایس ابراہام لنکن" کی جگہ لے گا۔ یہ فیصلہ ایک ایسے وقت میں سامنے آیا ہے جب لنکن کے طویل مشن کی وجہ سے عملے کی گرتی ہوئی ذہنی صحت اور خراب حالتِ زار پر شدید تشویش کا اظہار کیا جا رہا ہے۔
امریکی بحریہ کے بیانات کے مطابق، یو ایس ایس جارج واشنگٹن حال ہی میں ویتنام کے شہر ڈانانگ سے روانہ ہوا تھا اور سنگاپور و آبنائے ملائکا سے گزرتا ہوا اب بحرِ ہند کی طرف گامزن ہے۔

امریکی حکام نے 'دی وال اسٹریٹ جرنل' کو بتایا کہ طیارہ بردار جہازوں کا یہ تبادلہ پہلے سے طے شدہ روٹیشن کا حصہ ہے اور اس کا تعلق لنکن پر پیدا ہونے والے حالیہ خدشات سے نہیں ہے۔

یو ایس ایس ابراہام لنکن پر سوار تقریباً 5,000 ملاح اور میرینز گزشتہ سال 21 نومبر کو سان ڈیاگو سے بحر الکاہل کے مشن پر روانہ ہوئے تھے۔ تاہم، 250 سے زائد ایام سمندر میں گزارنے کے بعد ملاحوں کی ذہنی صحت اور رہائشی حالات شدید متاثر ہوئے ہیں۔

اہل خانہ اور امریکی قانون سازوں نے عملے میں شدید ذہنی تھکن اور جہاز پر ابتر ہوتے حالات پر تشویش کا اظہار کیا ہے۔

رپورٹ کے مطابق، تناؤ کے باعث متعدد ملاحوں نے جہاز سے سمندر میں چھلانگ لگانے کی کوشش کی، جبکہ کم از کم ایک ملاح کو دوسرے ساتھی نے بروقت بچایا۔

Source: Admin