اقوام متحدہ کی سلامتی کونسل نے سعودی عرب کی بھرپور حمایت کرتے ہوئے حوثی باغیوں کی جانب سے مملکت پر جاری حملوں کی شدید ترین الفاظ میں مذمت کی اور کہا کہ ریاض کو اپنے دفاع کا حق حاصل ہے۔ حوثیوں کے سعودی سرزمین پر حملوں میں فی الحال کوئی کمی آتی دکھائی نہیں دے رہی۔
سلامتی کونسل کے ارکان نے ایک بیان میں مملکت کے خلاف حوثیوں کے جاری حملوں کی مذمت کی، جن میں شہری اور توانائی کے بنیادی ڈھانچے کو بھی نشانہ بنایا گیا ہے۔ اِن حملوں میں خواتین اور بچوں سمیت متعدد شہری زخمی ہوئے ہیں۔
کونسل نے براہِ راست ریاض کی حمایت کرتے ہوئے بین الاقوامی قانون کے مطابق مملکت کے اپنے دفاع کے فطری حق کی توثیق کی اور مملکت پر شہریوں اور شہری تنصیبات کو متاثر کرنے والے حملوں کے خلاف سعودی عرب کے ساتھ اظہارِ یکجہتی کیا۔