امریکی سینٹرل کمانڈ (سینٹ کام) نے پاسداران انقلاب کے ایک رہنما کے اس اعلان کی تردید کی ہے کہ ایران نے آبنائے ہرمز کے داخلی اور خارجی راستوں پر کنٹرول حاصل کر لیا ہے۔ ساتھ اس اشارے کو بھی مسترد کیا ہے کہ ملاح صرف ان راستوں کو استعمال کر سکتے ہیں جنہیں پاسداران انقلاب نے طے کیا ہے۔

"سینٹ کام" نے اسے "ایک غلط دعویٰ" قرار دیا اور "ایکس" پر اپنے اکاؤنٹ کے ذریعے کہا کہ ایران آبنائے پر کنٹرول نہیں رکھتا اور یہ بین الاقوامی گزر گاہ پاسداران انقلاب کی دھمکیوں اور حملوں سے قطع نظر عبور کے لیے کھلی رہتی ہے۔

اس کے علاوہ یہ بھی واضح کیا گیا ہے کہ "ایران آبنائے ہرمز پر کنٹرول نہیں رکھتا اور تجارتی جہاز مئی کے اوائل سے امریکی فوجی حمایت کے ساتھ آبنائے کا استعمال جاری رکھے ہوئے ہیں اور اس کی دلیل اس سے ہزاروں جہازوں کا گزرنا ہے"۔

سینٹ کام نے اشارہ کیا کہ گذشتہ چند مہینوں کے دوران ایک ارب سے زیادہ بیرل تیل آبنائے ہرمز سے گزرا۔

اس سے قبل دوسری جانب ایرانی فوج کے رابطہ امور کے معاون ایڈمرل حبیب اللہ سیاری نے کہا تھا کہ آبنائے ہرمز کے مغربی علاقے، خود آبنائے اور خلیج فارس پاسداران انقلاب کی بحریہ کے مکمل کنٹرول میں ہیں۔

انہوں نے مزید کہا کہ فوج کی بحری قوت آبنائے ہرمز کے مشرق اور شمالی بحرہند پر مکمل کنٹرول رکھتی ہے۔ آبنائے کے مشرق میں شمالی بحر عمان کی صورت حال کی طرف اشارہ کرتے ہوئے مذکورہ عہدے دار نے کہا کہ وہاں کسی کو بھی عبور کرنے کی کوشش کرنے کی اجازت نہیں ہے۔