میانمار کی جنگ زدہ ریاست رخائن کے شمالی قصبے کی مارکیٹ پر فوجی طیارے کے حملے میں 33 افراد ہلاک ہوگئے۔

بنگلادیش کی سرحد سے متصل میانمار کی ریاست میں پیر کے روز فوج کے ایک مہلک فضائی حملے کے نتیجے میں ہلاکتیں ہوئی جبکہ زخمیوں کی تعداد 36 بتائی جارہی ہے۔

حملے میں ہلاکتوں اور زخمیوں کے حوالے سے تصدیق مقامی باغی گروپ اراکان آرمی اور امدادی کارکن وائی ہن آنگ نے کی ہے۔

رپورٹ کے مطابق 2021ء کی فوجی بغاوت کے بعد سے ملک شدید انتشار اور خانہ جنگی کا شکار ہے، اراکان آرمی سمیت کئی مسلح گروپس متعدد محاذوں پر فوج سے نبرد آزما ہیں۔

مقامی باغی گروپ اور امدادی کارکن کے مطابق فوجی طیارے کا حملہ مارکیٹ کے قریبی علاقے میں ہوا ہے، جو جنگی محاذ سے کافی دور ہے، اس جگہ کا تنازع سے کوئی تعلق نہیں ہے۔

حکومتی ترجمان نے تاحال اس واقعے پر فوری ردعمل نہیں دیا ہے، اس سےقبل فوج کی جانب سے کہا جاتا رہا ہے کہ عام شہریوں کو نقصانات سے محفوظ رکھنے کےلیے انتہائی صبر و تحمل کا مظاہر کررہے ہیں۔

اراکان آرمی اور امدادی کارکن کے مطابق یہ فضائی حملہ گزشتہ دسمبر میں ریاست کے مغرب میں واقع ایک اسپتال پرفضائی کے بعد مہلک ترین واقعہ ہے،اُس واقعے میں 30 افراد ہلاک ہوئے تھے۔