International

امریکی حملوں کی 12 ویں لہر مکمل، ایرانی فوجی اہداف کو نشانہ بنایا گیا

23/07/26

امریکی سینٹرل کمانڈ (سینٹ کام) نے اعلان کیا ہے کہ اس نے حملوں کا ایک اور مرحلہ مکمل کر لیا ہے، جس کا مقصد شہری بحری جہازوں اور تجارتی جہازوں پر حملہ کرنے کی ایرانی صلاحیت کو مزید کمزور کرنا تھا۔ سینٹکام کے جاری کردہ بیان میں کہا گیا ہے کہ 12 ویں روز کی کارروائی کے دوران ایرانی فوجی اہداف، جن میں بحری عسکری صلاحیتیں، میزائل اور ڈرون ذخیرہ گاہوں، ساحلی نگرانی کے مراکز اور فضائی دفاعی تنصیبات کو نشانہ بنایا گیا۔ بیان میں کہا گیا ہے کہ امریکی افواج نے رواں ماہ ایران کے درجنوں زمینی فوجی مقامات کو بھی نشانہ بنایا ہے، جبکہ سمندری ناکہ بندی پر بھی عمل درآمد جاری ہے۔ سینٹکام کے مطابق اب تک امریکی سینٹرل کمانڈ نے 9 تجارتی بحری جہازوں کا رخ موڑا، جبکہ ایک جہاز کو غیر فعال بنا دیا گیا تاکہ جہاز ایرانی بندرگاہوں میں داخل یا وہاں سے روانہ نہ ہو سکیں۔ بیان میں کہا گیا ہے کہ مشرقِ وسطیٰ میں 50 ہزار سے زائد امریکی فوجی اہلکار تعینات ہیں، جو مکمل چوکسی کے ساتھ اپنی ذمے داریاں انجام دے رہے ہیں اور ہر قسم کی کارروائی کے لیے تیار ہیں۔

Source: Admin