Kolkata

نائٹ ڈیوٹی کے فوراً بعد اسپتال سے نرس کی لاش برآمد

23/07/26

نائٹ ڈیوٹی کے فوراً بعد اسپتال سے نرس کی لاش برآمد رات8 بجے نائٹ ڈیوٹی پر حاضر ہوئی تھیں۔ صبح ہسپتال سے ہی نرس کی لٹکتی ہوئی لاش برآمد ہوئی۔ اس واقعے پر جمعرات کی صبح سیوری کے ایک نجی ہسپتال میں ہیجان پھیل گیا۔ مرنے والی کے اہل خانہ نے ہسپتال میں توڑ پھوڑ کی۔ پولیس نے لاش برآمد کرکے پوسٹ مارٹم کے لیے بھیج دی۔ سیوری تھانے کی پولیس نے واقعے کی تحقیقات شروع کر دی ہیں۔ پولیس کے مطابق مرنے والی کا نام انوشری مال 21ہے۔ معلوم ہوا کہ بدھ کی رات تقریباً 8 بجے وہ ڈیوٹی پر آئی تھیں۔ جمعرات کی صبح ہسپتال کے نمبر3 کیبن کا دروازہ دیر تک بند دیکھ کر عملے کو شک ہوا۔ بعد ازاں دروازہ توڑ کر اندر داخل ہوئے تو انوشری کو لٹکتی ہوئی حالت میں دیکھا۔ فوری طور پر سیوری تھانے کی پولیس کو اطلاع دی گئی۔ موت کی وجہ ابھی تک واضح نہیں ہے۔ پولیس نے غیر معمولی موت کا مقدمہ درج کرکے تحقیقات شروع کر دی ہیں۔ واقعے کے بعد مرنے والی کے رشتہ داروں نے نرسنگ ہوم میں توڑ پھوڑ کی۔ نرسنگ ہوم کے عملے کے ساتھ بھی بدسلوکی کا الزام ہے۔ پولیس نے آ کر صورتحال قابو میں کی۔

Source: Admin