ہوڑہ مونسپل کارپوریشن کے دو لوگوں کو گرفتار کیا گیا، وصولی کا الزام ہوڑہ شہر کے مختلف ہوٹل مالکان، نجی ہسپتالوں کے مالکان، پروموٹروں سے دھمکی دے کر لاکھوں روپے وصول کیے گئے! پولیس کے جال میں ہاوڑہ میونسپل کارپوریشن کا لاءآفیسر آیا۔ لاءآفیسر کی مدد کرنے والی ایک این جی او کے سربراہ کو بھی گولاباڑی تھانے کی پولیس نے گرفتار کیا۔ دونوں گرفتار افراد سے پولیس نے مرحلہ وار پوچھ گچھ شروع کر دی ہے۔ صرف یہی نہیں، اس کے پیچھے میونسپل کارپوریشن کا کوئی اور بھی ملوث ہے یا نہیں، اس کی بھی جانچ کی جا رہی ہے۔ ہوڑہ اسٹیشن چوک کے دو مشہور ہوٹلوں کے مالک آشیش کپور نے 20 جولائی کو گولاباڑی تھانے میں ہاوڑہ میونسپل کارپوریشن کے لاء آفیسر اور اس کے ساتھی این جی او سربراہ کے خلاف بھتہ خوری کا مقدمہ درج کرایا۔ آشیش بابو کا الزام ہے کہ راونڈ ٹینک لین، ہوڑہ میں واقع ایک این جی او کے مالک رمیش جے سوال گزشتہ 18جولائی کو ان کے ہوٹل میں آئے اور بتایا کہ ہاوڑہ اسٹیشن چوک پر ان کے دو ہوٹل کی عمارتیں غیر قانونی ہیں۔ میونسپل کارپوریشن ان دونوں ہوٹلوں کو گرادے گی۔ لیکن اگر رمیش کا دوست، میونسپل کارپوریشن کا لائ آفیسر سدھارشن جے سوال کو 50لاکھ روپے دیے گئے تو میونسپل کارپوریشن اس معاملے پر توجہ نہیں دے گی۔ آشیش نے مزید بتایا کہ جب انہوں نے 50لاکھ روپے دینے سے انکار کیا تو گزشتہ19 جولائی کو رمیش ان کے ہوٹل میں آئے اور انہیں جان سے مارنے کی دھمکی دی۔ اس کے بعد ۲۰ جولائی کو آشیش بابو گولاباڑی تھانے گئے اور سدھارشن جے سوال اور رمیش جے سوال کے خلاف ایف آئی آر درج کرائی۔ تحقیقات میں پولیس نے سدھارشن اور رمیش کو گرفتار کر لیا۔ تحقیقات میں پولیس کو پتہ چلا ہے کہ تقریباً10سال سے ہاوڑہ میونسپل کارپوریشن کا لاء آفیسر سدھارشن جے سوال اپنے ساتھی رمیش جے سوال کو استعمال کرکے ہاوڑہ شہر کے مختلف ہوٹل مالکان، نجی ہسپتالوں کے مالکان، پروموٹروں سے اسی انداز میں دھمکی دے کر لاکھوں روپے وصول کرتا رہا ہے۔ کاروباریوں کو کہا جاتا تھا کہ ان کا غیر قانونی کاروبار ہے اور میونسپل کارپوریشن چھاپہ مار سکتی ہے، لیکن اگر میونسپل کارپوریشن کے لاء آفیسر کے ساتھ رقم کا لین دین کر لیا تو میونسپل کارپوریشن کوئی کارروائی نہیں کرے گی۔ اس بہانے سدھارشن اور رمیش نے کاروباریوں سے دن بہ دن لاکھوں روپے ہتھیا لیے۔ آخرکار وہ پولیس کے جال میں آگئے۔

Source: Admin