روس کے زیرِ انتظام علاقے زاپوریزیا میں مسافر بس پر ڈرون حملے میں 1 شخص ہلاک اور 30 زخمی ہو گئے۔

روسی حکام کے مطابق شہر بریانسک میں بھی یوکرینی ڈرون حملے میں 1 شخص ہلاک اور 6 زخمی ہوئے، جبکہ یوکرین کے دارالحکومت کیف میں بھی دھماکوں کی آوازیں سنی گئیں۔

روسی وزارتِ دفاع کے مطابق یوکرین کے دارالحکومت کیف میں ٹرانسپورٹ کے بنیادی ڈھانچے، خار کیف میں لاجسٹکس مرکز اور کارگو بحری جہازوں کو نشانہ بنایا گیا۔

دوسری جانب یوکرینی حکام کا کہنا ہے کہ گزشتہ روز کیف پر روسی میزائل حملے میں 1 شخص ہلاک اور طلبہ سمیت 10 افراد زخمی ہوئے تھے۔

حملے میں تعلیمی اداروں، رہائشی عمارتوں، میٹرو اسٹیشن اور طبی مراکز کو نقصان پہنچا تھا۔