پاکستان کے صوبہ خیبر پختونخوا کے ضلع کوہاٹ میں بدھ کو نامعلوم مسلح افراد کی فائرنگ سے کم سے کم 10 پولیس اہلکار جان سے گئے جبکہ دیگر 11 زخمی ہوئے ہیں۔
ترجمان کوہاٹ پولیس نے بتایا کہ ’پولیس کی جوابی کارروائی کے نتیجے میں 18 عسکریت پسند ہلاک ہو گئے ہیں۔‘
ان کے مطابق ’کوہاٹ پولیس نے پاکستانی طالبان اور جرائم پیشہ عناصر کے مبینہ گٹھ جوڑ کے ذریعے کی جانے والی سونے کی غیر قانونی کان کنی کے خلاف بڑے پیمانے پر آپریشن شروع کر رکھا ہے۔‘
بدھ کو پولیس کی نفری کوہاٹ کی تحصیل گمبٹ کے علاقے دریوکیچ میں سونے کی غیر قانونی کان کنی کے خلاف آپریشن کے لیے جا رہی تھی کہ ان پر حملہ کردیا گیا۔‘
پاکستان میں حالیہ برسوں کے دوران تشدد کے واقعات میں اضافہ ہوا ہے، جن میں سے بیشتر کا الزام کالعدم تحریک طالبان پاکستان (ٹی ٹی پی) پر عائد کیا جاتا ہے۔
پاکستان کے صوبہ خیبر پختونخوا کے ضلع کوہاٹ میں بدھ کو نامعلوم مسلح افراد کی فائرنگ سے کم سے کم 10 پولیس اہلکار جان سے گئے جبکہ دیگر 11 زخمی ہوئے ہیں۔ ترجمان کوہاٹ پولیس نے بتایا کہ...
Source: Admin
