National

ناگالینڈ: ’وندے ماترم‘ کے تنازع پر طلبہ نے یومِ آزادی کی تقاریب کا بائیکاٹ کیا

15/08/26

کوہیما: ناگالینڈ کے وزیر اعلیٰ نیفیو ریو نے یومِ آزادی کی مرکزی تقریب سے خطاب کرتے ہوئے اعلان کیا ہے کہ دہائیوں پرانے ناگا امن عمل کو اب وزارتی سطح ) پر منتقل کر دیا گیا ہے۔ اس مقصد کے لیے مرکزی وزارتِ داخلہ نے ایک مرکزی مملکتی وزیرِ داخلہ کی سربراہی میں اعلیٰ سطح کی کمیٹی تشکیل دی ہے جو آگے کے مذاکرات کی قیادت کرے گی۔تاہم، دوسری جانب سرکاری تقاریب میں ’وندے ماترم‘ کے لازمی گائے جانے کے احکامات کے خلاف نیشنلسٹ ناگا اسٹوڈنٹس فیڈریشن کے احتجاج کی وجہ سے ریاست بھر میں طلبہ کے پریڈ دستوں نے یومِ آزادی کی تقاریب سے دوری اختیار کی۔
جہاں ایک طرف امن عمل کے حوالے سے پیش رفت کا اعلان ہوا، وہی دوسری طرف یومِ آزادی کی تقاریب طلبہ کی غیر حاضری سے متاثر رہیں۔

ناگا اسٹوڈنٹس فیڈریشن نے کہا کہ ناگا عوام کو بھارت کے یومِ آزادی، قومی پرچم يا قومی ترانے سے کوئی اعتراض نہیں ہے۔
فیڈریشن کا اعتراض ’وندے ماترم‘ کے مکمل ورژن کی جبری ادائیگی اور لازمی شمولیت پر ہے۔ ان کا کہنا ہے کہ اس گیت کی عبادتی اور مذہبی علامتیں غیر ہندو برادریوں، خصوصاً مسیحی طلبہ کے ضمیر اور عقائد سے تصادم رکھتی ہیں۔

طلبہ تنظیم جنوری 2026 میں وزارتِ داخلہ کی اس ہدایت کی مخالفت کر رہی ہے جس میں سرکاری تقاریب اور تعلیمی اداروں میں قومی ترانے سے قبل قومی گیت ’وندے ماترم‘ گانا لازمی قرار دیا گیا تھا۔

اس ہدایت کے خلاف این ایس ایف کی اپیل پر تعلیمی اداروں اور طلبہ نے سرکاری پریڈ میں حصہ لینے سے گریز کیا۔

Source: Admin