Sports

محمڈن اسپورٹنگ کلب کا بڑا فیصلہ: غزال الظفر کلب کے نئے صدر مقرر

06/08/26

کولکاتا، 6اگست : ہندستان کے تاریخی اور ممتاز فٹ بال کلب، محمڈن اسپورٹنگ کلب نے غزال الظفر کو کلب کا نیا صدر مقرر کرنے کا باضابطہ اعلان کیا ہے۔ یہ اہم فیصلہ6 اگست کو کولکاتا میں واقع محمڈن اسپورٹنگ کلب خیمے (ٹنٹ) میں منعقدہ ایگزیکٹو کمیٹی کے اجلاس کے دوران لیا گیا۔
ایگزیکٹو کمیٹی نے ہمایوں کبیر کو ان کی صدارتی ذمہ داریوں سے سبکدوش کرنے کی قرار داد منظور کی، جس کا اطلاق 6 اگست سے ہی ہو گیا ہے۔
اجلاس کے دوران ایگزیکٹو کمیٹی نے کلب کی موجودہ مالیاتی صورتحال کا تفصیلی جائزہ لیا اور انتظامی و مالیاتی تسلسل کو برقرار رکھنے کے لیے فوری اقدامات پر غور کیا۔ کمیٹی نے بالخصوص کھلاڑیوں، کوچنگ اسٹاف، ملازمین، قانونی اداروں، وینڈرز اور دیگر بقایا جات کی ادائیگی کی فوری ضرورت کو تسلیم کیا۔
کمیٹی نے شدید مالی بحران کے اس دور میں غزال الزفر کی جانب سے فراہم کی جانے والی مالی امداد کی سراہنا کی۔ ان کے اس تعاون کے باعث کلب کے روزمرہ کے امور اور کئی فوری واجبات کی ادائیگی ممکن ہو سکی ہے۔
غزال الزظفر بطور صدر کلب کے اس اہم مرحلے کی قیادت کریں گے۔ ان کی بنیادی توجہ کلب کی مالی بنیادوں کو مستحکم کرنے، انتظامی تسلسل کو یقینی بنانے اور کلب کی طویل مدتی ترقی اور استحکام کے لیے کام کرنے پر مرکوز ہوگی۔

Source: Admin