بھوپال، 11 اپریل: دارالحکومت بھوپال سمیت پورے مدھیہ پردیش میں آج عید کا تہوار روایتی انداز میں منایا گیا۔ اس دوران مختلف مقامات پر عید کی خصوصی نماز ادا کی گئی۔ اس موقع پر گورنر منگو بھائی پٹیل اور وزیر اعلیٰ ڈاکٹر موہن یادو نے شہریوں کو مبارکباد دی ہے۔ مسٹر پٹیل نے سوشل میڈیا کے ذریعے اپنے پیغام میں لکھا، ''عید مبارک۔ امن اور بھائی چارے کے تہوار عید الفطر پر تمام اہل وطن کو دل کی گہرائیوں سے مبارکباد اور نیک خواہشات۔ وزیر اعلیٰ ڈاکٹر یادو نے اپنے پیغام میں لکھا ہے، ’’ریاست اور ملک کے تمام مسلمان بھائیوں اور بہنوں کو عید کی بہت بہت مبارکباد اور نیک خواہشات۔‘‘ ریاستی کانگریس کے صدر جیتو پٹواری نے عید کے موقع پر آج یہاں عیدگاہ پہاڑی علاقے میں پہنچ کر مسلمان بھائیوں کو عید کی مبارکباد دی۔ انہوں نے سوشل میڈیا پر اپنے پیغام میں یہ بھی کہا کہ وہ تمام اہل وطن کو بھائی چارے اور ہم آہنگی کی علامت عید الفطر کی مبارکباد پیش کرتے ہیں۔ برہان پور میں عید کے موقع پر شاہی مسجد علاقے میں منعقد کی گئی عید ملن تقریب میں سابق مرکزی وزیر اور کانگریس کے سینئر لیڈر ارون یادو نے شرکت کی۔ مسٹر یادو نے کہا کہ ایک ایسا تہوار جو آپسی بھائی چارے اور امن کا پیغام دیتا ہے عید الفطر پر ہم وطنوں کو دل کی گہرائیوں سے مبارکباد۔ عیدگاہ کے علاوہ بھوپال میں مختلف مقامات پر خصوصی نماز ادا کی گئی اور مسلم مذہب کے پیروکار ایک دوسرے سے گلے ملتے ہوئے انہیں عید کی مبارکباد دیتے نظر آئے۔ اندور، گوالیار، جبل پور، ساگر، ریوا، ستنا اور ریاست کے دیگر حصوں سے بھی ایسی ہی خبریں موصول ہوئی ہیں۔
Source: uni news
دہلی شراب گھوٹالہ:وزیر اعلیٰ کجریوال کو کوئی راحت نہیں، عدالتی حراست میں 8 اگست تک توسیع
کپواڑہ تصادم :فوجی جوان اور ملی ٹینٹ ہلاک، آپریشن ہنوز جاری
سپریم کورٹ سے مرکز کو بڑا جھٹکا! معدنیات پر ٹیکس کے معاملے میں ریاستی حکومتوں کے حق میں فیصلہ
دوسرے مرحلے کے بیلسٹک میزائل دفاعی نظام کا کامیاب تجربہ
بنگال کی تقسیم کو لے کر بی جے پی اور ترنمول کانگریس آمنے سامنے۔تقسیم کے سوال پر بی جے پی اندرونی تقسیم کی شکار
بہن کے دوسری ذات میں شادی کر نے پر بھائیوں نے بہنونی کو کیا قتل
پاکستان جموں وکشمیر میں درپردہ جنگ کو فروغ دے رہا ہے، دشمن کو منہ توڑ جواب دینے کی صلاحیت رکھتے ہیں :وزیر اعظم مودی
بنگال کی تقسیم کو لے کر بی جے پی اور ترنمول کانگریس آمنے سامنے۔تقسیم کے سوال پر بی جے پی اندرونی تقسیم کی شکار
بہن کے دوسری ذات میں شادی کر نے پر بھائیوں نے بہنونی کو کیا قتل
لوک سبھا میں ہنگامہ، کارروائی پھر ملتوی