مالی پانچ گھڑا تھانہ کے افسر انچار ج کی علاقے کے لوگوں کے ساتھ بات چیت

ہوڑہ 22دسمبر: سجئے سرکارنے مالی پانچ گھڑا تھانہ کی آئی سی کی ذمہ داری سنبھالنے کے بعد علاقے کے امن پسند اور معتبر لوگوں کے ساتھ میٹنگ کی۔ انہوںنے لوگوں سے اپیل کی کہ وہ امن و قانون کی صورت حال برقرار رکھنے میں انتظامیہ کی مدد کریں اس کے بدلے پولس اور انتظامیہ کو جو کچھ کرنا ہوگا وہ کریں گے۔ آج یہاں تھانہ میں ہوڑہ ضلع کے گھسڑی کی معروف ہستیوںنے ایک وفد کی شکل میں جاکر افسر انچارج شری سجئے سرکار سے ملاقات کی۔ ان کا شاندار استقبال کیا اور انہیں پھولوں کا گلدستہ دے کر ان کا سواگت کیا۔انہوں نے وفد سے کہا کہ علاقے میں جو مسئلہ ہواسے بیٹھ کر بات چیت کے ذریعہ حل کرنے کی کوشش کریں ۔ اس کا م میں اگر پولس کی ضرورت ہوگی تو وہ ضرور اس میں مدد کریں گے۔علاقے میں اگر سی سی ٹی وی کی ضرورت ہوتو اس کے بارے میں بھی بتائیں۔ انتظامیہ کے ساتھ بات چیت کے ذریعہ علاقے میں سی سی ٹی وی لگانے کی کوشش کی جا ئے گی۔ اس طرح سے کسی بھی طرح سے پولس اور انتظامیہ کی ضرورت پڑے تو اس کام میں ہر ممکن تعاون کرنے کی کوشش کریں گے۔ اس وفد میں شامل لوگوں میں سماجی کارکن ارمان انصاری، فردوس مسجد کے امام لقمان رضا ،حکیم سلیم اختر ، بدر الدضیٰ انصاری ، جاوید اخترا ور ارشد علی انصاری وغیرہ اس موقع پر موجود تھے۔

Source: Mashriq News service