National

جھارکھنڈ ہائی کورٹ نے جے پی ایس سی 11ویں۔13ویں اور فوڈ سیفٹی آفیسر امتحان منسوخ کرنے کے حکم پر روک لگائی

20/08/26

رانچی، 20 اگست:) جھارکھنڈ ہائی کورٹ نے جے پی ایس سی کے 11ویں سے 13ویں سول سروس امتحان اور فوڈ سیفٹی آفیسر امتحان کے سلسلے میں ریاستی حکومت کی جانب سے جاری حکم پر فوری اثر سے روک لگا دی ہے ۔
عدالت کے اس فیصلے سے دونوں امتحانات میں کامیاب امیدواروں کو بڑی راحت ملی ہے ۔ عدالت نے ریاستی حکومت کو 15 دن کے اندر کا¶نٹر حلف نامہ داخل کرکے اپنا موقف پیش کرنے کی ہدایت دی ہے ۔
معاملے کی سماعت جمعرات کو جسٹس دیپک روشن کی عدالت میں ہوئی۔ سماعت کے دوران عدالت نے حکومت کے اس حکم پر روک لگا دی، جس کے تحت ان امتحانات اور ان سے متعلق تقرری کے عمل کے خلاف کارروائی کی گئی تھی۔ عدالت نے ریاستی حکومت کو ہدایت دی کہ وہ 15 دن کے اندر کا¶نٹر حلف نامے کے ذریعے اپنا جواب داخل کرے ۔ حکومت کا جواب داخل ہونے کے بعد معاملے کی اگلی سماعت ہوگی۔
ہائی کورٹ نے متعلقہ درخواست گزاروں کو بھی فوری راحت دی ہے ۔ عدالت نے ہدایت دی ہے کہ درخواست گزار فوری اثر سے اپنے کام پر واپس لوٹیں۔ اس سے ان کامیاب امیدواروں کو بڑی راحت ملی ہے ، جن کی تقرری حکومت کے حکم کے بعد متاثر ہوئی تھی۔
واضح رہے کہ جھارکھنڈ میں جے پی ایس سی اور جے ایس ایس سی کے امتحانات میں مبینہ بے ضابطگیوں کو لے کر طویل عرصے سے طلبہ کی تحریک چل رہی تھی۔ احتجاج کرنے والے طلبہ کے مطالبات کے درمیان ریاستی حکومت نے کئی بھرتی امتحانات منسوخ کرنے کا فیصلہ لیا تھا۔ حکومت نے 2014 سے اب تک منعقد کیے گئے کئی امتحانات کو منسوخ کرنے سے متعلق احکامات جاری کیے تھے ۔ ان میں جے پی ایس سی اور دیگر بھرتی امتحانات بھی شامل تھے ۔

Source: Admin