حوثی یمنی ساحل کے ساتھ پیش قدمی کر رہے ہیں جو بحیرہ احمر میں سعودی تیل کی برآمدات کے لیے خطرہ بن گئے ہیں۔

یمن میں خانہ جنگی شدت اختیار کر گئی، حوثیوں نے اہم ساحلی شہر المخا پر کنٹرول حاصل کر لیا اور حوثی باب المندب کےقریب مزید علاقوں کی جانب بڑھنے لگے ہیں اور یمنی حکومتی فورسز پیچھے ہٹ رہی ہیں۔

خبر ایجنسی رائٹرز کے مطابق ایران سے منسلک حوثی باغیوں نے جمعرات کو یمن کے بندرگاہی شہر المخا پر قبضہ کر لیا اور بحیرہ احمر کے ساحل سے نیچے تزویراتی جزیروں کی طرف پیش قدمی کی۔

یہ پیش رفت صدر ڈونلڈ ٹرمپ کے اس بیان کے چند گھنٹے بعد ہوئی جس میں کہا گیا کہ امریکی وسط مدتی انتخابات کے بعد ایران جنگ ختم ہو جائے گی۔

یمنی حکومت کے فوجی ذرائع نے بتایا کہ حوثیوں نے آبنائے باب المندب، بحیرہ احمر کے جنوبی حصے اور دنیا کے سب سے اہم جہاز رانی کے راستوں میں سے ایک پر مزید برتری حاصل کر لی ہے اور وہ ہنیش کے جزائر تک پہنچ گئے ہیں۔

ایرانی وزارت خارجہ کے ترجمان اسماعیل بقائی کا کہنا ہے کہ یمنی حوثیوں کی تنظیم کے بارے میں امریکی وزیرخارجہ کے الزام درست نہیں، خطے میں عدم استحکام کی جڑ امریکی فوجی مداخلت اور حاکمانہ پالیسیاں ہیں امریکا امن چاہتا ہے تو خطے میں مداخلت بند کر دے۔